ZPTC:  పులివెందుల, ఒంటిమిట్టలో ముగిసిన జడ్పీటీసీ పోలింగ్‌

ఆంధ్రప్రదేశ్‌ రాష్ట్రంలోని వైఎస్‌ఆర్‌ కడప జిల్లా పులివెందుల (Pulivendula), ఒంటిమిట్ట (Ontimitta)  జడ్పీటీసీ (ZPTC) ఉప ఎన్నికల పోలింగ్‌ ముగిసింది. సాయంత్రం 5 గంటల వరకు క్యూలైన్లలో ఉన్నవారిని ఓటు హక్కు వినియోగించుకునేందుకు అధికారులు అనుమతించారు. రెండు  చోట్లా 11 మంది చొప్పున అభ్యర్థులు బరిలో నిలిచారు. ఈ ఎన్నికల్లో ప్రధాన పోరు టీడీపీ, వైసీపీ మధ్యే జరిగింది. పులివెందులలో టీడీపీ అభ్యర్థి మారెడ్డి లతారెడ్డి (Mareddy Latha Reddy) , వైసీపీ అభ్యర్థి హేమంత్‌ రెడ్డి (Hemanth Reddy), ఒంటిమిట్టలో ముద్దు కృష్ణారెడ్డి (టీడీపీ), ఇరగం రెడ్డి ( వైసీపీ)  తలపడ్డారు. పులివెందులలో 15, ఒంటిమిట్టలో 30 పోలింగ్‌ కేంద్రాల్లో ఓటింగ్‌ నిర్వహించారు.