Rushikonda : రుషికొండ భవనాలను పరిశీలించిన డిప్యూటీ సీఎం పవన్‌

వైసీపీ హయాంలో విశాఖ రుషికొండపై నిర్మించిన భవనాలను  ఆంధ్రప్రదేశ్‌ డిప్యూటీ సీఎం పవన్‌ కల్యాణ్‌ (Pawan Kalyan)  పరిశీలించారు. ఆయన వెంట మంత్రులు నాదెండ్ల మనోహర్‌(Nadendla Manohar), కందుల దుర్గేశ్‌ (Kandula Durgesh ) ఉన్నారు. భవన   సముదాయంలో నిర్మాణాలు, సదుపాయాలను పవన్‌ కల్యాణ్‌ పరిశీలించారు. సదుపాయాలకు గత ప్రభుత్వం వెచ్చించిన ఖర్చులను మంత్రులు ఆయనకు వివరించారు. భవనాల్లో అత్యాధునిక  బెడ్‌రూమ్స్‌, బాత్‌రూమ్స్‌ చూసిన పవన్‌ ఆశ్చర్యపోయారు.  పాడైపోతున్న వాటికి వెంటనే మరమ్మతులు చేయాలన్నారు. ఎన్జీటీ (NGT ) లో కేసు నడుస్తోందని  అధికారులు ఆయనకు వివరించారు. పవన్‌ మీడియాతో మాట్లాడుతూ  మొత్తం  7 బ్లాక్‌లకు 4 మాత్రమే పూర్తి  చేశారు.  వాటికోసం రూ.454 కోట్లు ఖర్చు పెట్టారు. గతంలో మమ్మల్ని రానివ్వకుండా ఎన్నో అడ్డంకులు స్పష్టించారు.  హరిత  రిసార్ట్స్‌ (Haritha Resorts ) ఉన్నప్పుడు ఏడాదికి  రూ.7 కోట్ల ఆదాయం వచ్చేంది, ఇప్పుడు కేవలం కరెంటు బిల్లుకే రూ.15 లక్షలు అవుతోంది. ఇప్పటికే జరగాల్సిన డ్యామేజ్‌ జరిగింది.  లోపల పెచ్చులు ఊడిపోతున్నాయి.  కొన్నిచోట్ల లీకేజ్‌ అవుతోంది. జగన్‌ నివాసముండేందుకు ఈ భవనాలను కట్టారు. కానీ దీన్ని టూరిజం కింద ఎలా అభివృద్ధి చేయాలనేది ఆలోచిస్తున్నాం. ఈ  నిర్మాణాన్ని ఎలా ఉపయోగించాలనే   దానిపై ఆలోచన చేస్తున్నాం. రుషికొండ భవనాలపై  అసెంబ్లీ వేదికగా  చర్చ జరగాలి అని అన్నారు.