Pawan Kalyan: మీకు కనీస కృతజ్ఞత లేదు : డిప్యూటీ సీఎం పవన్‌

తెలుగు చిత్రసీమలో ఉన్నవారికి ఆంధ్రప్రదేశ్‌ ప్రభుత్వం పట్ల కనీస కృతజ్ఞత లేదని డిప్యూటీ సీఎం పవన్‌కల్యాణ్‌ (Pawan Kalyan) అసహనం వ్యక్తం చేశారు. కూటమి ప్రభుత్వం ఏర్పాటై ఏడాది అవుతున్నా తెలుగు సినీ సంఘాల ప్రతినిధులు రాష్ట్ర ముఖ్యమంత్రి (Chief Minister )ని మర్యాదపూర్వకంగా కలిశారా? అని  ప్రశ్నించారు. గత ప్రభుత్వం సినిమా రంగంవారిని, అగ్ర నటులను ఎలా ఛీత్కరించిందో మరిచిపోయారని, కూటమి ప్రభుత్వం వ్యక్తులను కాదు, సినిమా రంగం అభివృద్ధినే చూస్తుందని అన్నారు. మీరు ఇచ్చిన ఈ రిటర్న్‌ గిఫ్ట్‌ను తగిన విధంగానే స్వీకరిస్తామని అన్నారు.  తమ డిమాండ్‌లు నెరవేర్చాలని లేకపోతే, జూన్‌ 1 నుంచి తెలుగు రాష్ట్రాల్లో థియేటర్లు బంద్‌ అంటూ ఎగ్జిబిటర్లు (Exhibitors), డిస్ట్రిబ్యూటర్లు (Distributors) హెచ్చరించిన సంగతి తెలిసిందే. తాజాగా ఫిల్మ్‌ ఛాంబర్‌  (Film Chamber ) లో జరిగిన సమావేశం తర్వాత అలాంటిదేమీ లేదని ప్రకటించిన నేపథ్యంలో పవన్‌ కల్యాణ్‌ ప్రకటన ప్రాధాన్యం సంతరించుకుంది.