సకుటుంబ సపరివార ప్రచారం

ముఖ్య నేతలకు కుటుంబసభ్యుల చేదోడువాదోడు

ఎన్నికల సమయం సమీపించడంతో ప్రధాన రాజకీయ పక్షాల అగ్రనేతల కుటుంబ సభ్యులంతా తాము సైతం అన్నట్లుగా ప్రచారంలో పాల్గొంటున్నారు. ఎన్నికలను పార్టీలు ప్రతిష్ఠాత్మకంగా భావించడంతో అగ్రనేతలకు కుటుంబ సభ్యులు చేదోడు వాదోడుగా ప్రచారం చేస్తున్నారు. తెదేపా జాతీయ అధ్యక్షుడు, ముఖ్యమంత్రి చంద్రబాబునాయుడు రాష్ట్రవ్యాప్తంగా అన్ని జిల్లాల్లోనూ ఎన్నికల ప్రచారాన్ని నిర్వహిస్తున్నారు. గుంటూరు జిల్లా మంగళగిరి నుంచి పోటీ చేస్తున్న ఆయన కుమారుడు లోకేశ్‌ సొంత నియోజకవర్గంలో ప్రచారం చేస్తూనే ఉత్తరాంధ్ర, కృష్ణా జిల్లాల్లోని పలు ప్రాంతాల్లో ఎన్నికల ప్రచారం చేశారు. ఆయన భార్య బ్రాహ్మణి భర్తకు మద్దతుగా మంగళగిరిలో ఆదివారం ప్రచారానికి శ్రీకారం చుట్టారు. కృష్ణా జిల్లా నందిగామలో ముఖ్యమంత్రి చంద్రబాబు ఆదివారం నాటి ఎన్నికల ప్రచార సభలో ఆయన మనవడు దేవాన్ష్‌ ప్రత్యేక ఆకర్షణగా నిలిచారు. సినీహీరో బాలకృష్ణ తను పోటీ చేస్తున్న అనంతపురం జిల్లా హిందూపురంలో ఎన్నికల ప్రచారాన్ని నిర్వహిస్తూనే ఉత్తరాంధ్ర జిల్లాల్లోనూ రోడ్డుషోలు నిర్వహిస్తున్నారు. బాలకృష్ణ రెండో కుమార్తె తేజస్విని తన భర్త, తెదేపా విశాఖ ఎంపీ అభ్యర్థి భరత్‌కు మద్దతుగా ప్రచారం చేస్తున్నారు.
పేదల ఆకలి తీర్చుతున్న అన్నక్యాంటీన్లు
నారా బ్రాహ్మణి