సుధామూర్తితో కలిసి డాక్టరేట్ అందుకున్న నైనా

భారత టేబుల్‌ టెన్నిస్‌ స్టార్‌, చదువుల తల్లిగా పేరొందిన నైనా జైస్వాల్‌ డాక్టరేట్‌ అందుకున్నారు. ఆంధ్రప్రదేశ్‌లోని రాజమహేంద్రవరంలోని గల ఆదికవి నన్నయ విశ్వవిద్యాలయంలో నిర్వహించిన స్నాతకోత్సవం సందర్భగా గవర్నర్‌ సయ్యద్‌ అబ్దుల్‌ నజీర్‌ నైనాకు పీహెచ్‌డీ డాక్టరేట్‌ సర్టిఫికెట్‌ను ప్రదానం చేశారు. ఈ కార్యక్రమంలో ఇన్ఫోసిస్‌ ఫౌండేషన్‌ చైర్‌పర్సన్‌ సుధామూర్తికి కూడా గౌరవ డాక్టరేట్‌ అందించారు. కాగా అత్యంత పిన్న వయసులోనే పీహెచ్‌డీ పట్టా పుచ్చుకున్న తొలి భారతీయ వ్యక్తిగా నైనా చరిత్ర సృష్టించిన విషయం తెలిసిందే. 22 ఏళ్ల వయసులోనే ఈ హైదరాబాదీ ఈ ఫీట్‌ నమోదు చేశారు.