గ్రీన్ ఎనర్జీలో దేశానికి ఏపీ ఆదర్శంగా: మంత్రి గుడివాడ

గ్రీన్‌ ఎనర్జీలో దేశానికి ఆంధ్రప్రదేశ్‌ ఆదర్శంగా మారుస్తున్నామని రాష్ట్ర పరిశ్రమలు, ఐటీ శాఖ మంత్రి గుడివాడ అమర్‌నాథ్‌ అన్నారు. ఆయన మీడియాతో మాట్లాడుతూ ఏపీలో పెట్టుబడులకు ఉన్న అవకాశాలను దావోస్‌ సదస్సులో వివరించామని తెలిపారు. స్టార్టప్‌ కంపెనీలతో ప్రత్యేక మీటప్‌ నిర్వహించామన్నారు. ప్రపంచస్థాయి వేదికలపై సీఎం జగన్‌ అధ్యక్షతన రాష్ట్ర ప్రగతిని ఫోకస్‌ చేశామన్నారు. ఐదు రోజుల సదస్సుకు సంబంధించి ఒక పెవిలియన్‌ ఏర్పాటు చేశామని తెలిపారు. గ్రీన్‌ ఎనర్జీపై ప్రత్యేక దృష్టి సారించామని అన్నారు. గ్రీన్‌ ఎనర్జీ విషయంలో ఏపీ ఒక దిక్సూచి కాబోతుందన్నారు. 30 వేల మెగావాట్ల విద్యుత్‌ ఉత్పత్తికి ఏపీలో అవకాశాలు ఉన్నాయన్నారు. ఏపీలో పెట్టుబడులు పెట్టేందుకు పలు సంస్థలతో ఎంవోయూలు చేసుకున్నామని తెలిపారు.