ఈగో వదిలి ప్రజల్లోకి వెళ్లండి

గ్రామ స్థాయి లీడర్లు, కార్యకర్తలతో నిరంతరం టచ్‌లో ఉండాలని.. లేనిపక్షంలో ప్రలోభాలకు గురిచేసే అవకాశముందన్నారు. ‘ఆయనేం అక్కడ ఎంజాయ్‌ చేయడంలేదు. రోజూ విపరీతంగా కష్టపడుతున్నారు. మన పథకాలు కొన్ని పథకాలు గ్రామాల్లోకి వెళ్లడం లేదని తెలిసింది. రాష్ట్రాభివృద్ధితో పాటు మనందరి భవిష్యత్తు కోసం కష్టపడుతున్నారు. సంక్షేమ పథకాల గురించి వీలైనంతగా ప్రచారం చేసి మీ వంతు పాత్ర మీరు నిర్వర్తించండి’ అంటూ సూచించారు. ఎన్నికల తర్వాత కూడా కుప్పం నాయకులు, పార్టీ శ్రేణులతో ఉంటానని ఆమె భరోసా ఇచ్చారు. ‘మనమే మళ్లీ అఽధికారంలోకి వస్తాం. ఆగిపోయిన అభివృద్ధి పనులను దగ్గరుండి చేయించుకుందాం’ అన్నారు. ‘స్టార్‌’ క్యాంపెయినింగ్‌ గురించి టెలికాన్ఫరెన్సులో చర్చ జరిగింది.

స్టార్‌ క్యాంపెయినర్ల అవసరం లేదని భువనేశ్వరి అభిప్రాయపడ్డారు. తనకు కుప్పం ప్రజలపై, నాయకులపై బాగా నమ్మకముందని, ప్రచారానికి వెళ్లకపోయినా గెలిపించే బాధ్యత వాళ్లు తీసుకుంటారని చంద్రబాబు అన్నారని ఆమె తెలిపారు. అత్యధిక మెజారిటీ సాధించి తామేమిటో నిరూపించుకుంటామని టీడీపీ నియోజకవర్గ ఇన్‌చార్జి పీఎస్‌ మునిరత్నం తెలిపారు. కాగా, మండలాల వారీగా పోలింగ్‌ బూత్‌ల స్థితిగతులను అంకెలతో సహా వివరించి, హెచ్చరికలు జారీ చేయడంతో నాయకులు ఆశ్చర్యానికి గురయ్యారు. ఈ సమావేశం అటు నాయకుల్లో, ఇటు కిందిస్థాయి కార్యకర్తల్లో ఉత్సాహం నింపింది.