రేపటి నుండి ఏపీ అసెంబ్లీ బడ్జెట్ సమావేశాలు

ఆంధ్రప్రదేశ్‌ రాష్ట్ర అసెంబ్లీ బడ్జెట్‌ 2023-24 సమావేశాలు రేపటి ( మార్చి 14) నుంచి ప్రారంభం కానున్నాయి. ఉదయం 10 గంటలకు గవర్నర్‌ ప్రసంగంతో సమావేశాలు మొదలవుతాయి. గవర్నర్‌ ప్రసంగం అనంతరం అసెంబ్లీ, మండలి బీఏసీ సమావేశాలు జరుగుతాయి. ఆపై మధ్యాహ్న సమయంలో ముఖ్యమంత్రి వైఎస్‌ జగన్‌ మోహన్‌ రెడ్డి అధ్యక్షతన కేబినెట్‌ సమావేశం జరగనుంది. ఈ భేటీలోనే అసెంబ్లీ సమావేశాల్లో ప్రవేశపెట్టే బిల్లులకు కేబినెట్‌ ఆమోదించనుంది.  కీలకమైన 2023-24 వార్షిక బడ్జెట్‌ను ఈ నెల 18న ఆర్థిక మంత్రి బుగ్గన రాజేంద్రనాథ్‌ ప్రవేశపెట్టనున్నారు. ఇక ఈ అసెంబ్లీ సమావేశాలు ఈ నెల 24వ తేదీ వరకు జరిగే అవకాశాలున్నాయి.