2024లో ఏపీలో అధికారం మాదే: సోము వీర్రాజు

గ‌తంలో చంద్ర‌బాబు పాల‌నలో ఇసుక మాఫియాతో పాటు ప‌లు రంగాల్లో అవినీతి చోటు చేసుకుంద‌ని ఇప్పుడు వైకాపా సైతం పేద‌లకు అందిచే ఇళ్ల ప‌ట్టాలు, ఇళ్ల పంపిణీ కోసం చేసిన భూముల కొనుగోలు వంటి విష‌యాల్లో పెద్ద యెత్తున అవినీతికి పాల్ప‌డుతోంద‌ని ఆరోపించారు. ఈ ప‌రిస్థితుల్లో అవినీతి లేని పాల‌న భాజాపా మాత్ర‌మే అందించ‌గ‌ల‌ద‌న్నారు. త‌మ పార్టీ జ‌న‌సేన‌తో క‌లిసి ప్ర‌భుత్వ ప్ర‌జా వ్య‌తిరేక చ‌ర్య‌ల‌పై పోరాడుతామ‌న్నారు. ఏదేమైనా రాజ‌కీయాలు అనేవి ఎన్నిక‌ల స‌మ‌యంలో మాత్ర‌మే మాట్లాడ‌తామ‌న్నారు. ఈ కార్య‌క్ర‌మంలో భాజాపా మ‌రో నేత‌ రామ్ మాధ‌వ్ మాట్లాడుతూ క‌న్నాను తీసేసి సోము వీర్రాజుని తెచ్చామ‌న‌డం స‌రికాద‌ని, క‌న్నాకు మ‌రింత ముఖ్య‌మైన ప‌దవి అప్ప‌గిస్తామ‌ని చెప్పారు. రాష్ట్రానికి రాజ‌ధాని అంశం కేంద్ర ప‌రిధిలోకి రాద‌ని స్ప‌ష్టం చేశారు. అయితే 3 రాజ‌ధానులు అనేది స‌రైంది కాద‌ని, దేశంలో ఎక్క‌డా ఏ రాష్ట్రానికీ 3 రాజ‌ధానులు లేవ‌ని గుర్తు చేశారు. ఉత్త‌ర‌ప్రదేశ్ లాంటి పెద్ద రాష్ట్రంలో కూడా ఒక‌టే రాజ‌ధాని ఉంద‌న్నారు.