శాన్‌ఫ్రాన్సిస్కో నుంచి ఎక్స్‌ .. మకాం మార్పు

ఎలాన్‌ మస్క్‌ అధినాయకత్వంలోని ప్రముఖ సోషల్‌ మీడియా ప్లాట్‌ఫారమ్‌ ఎక్స్‌ ప్రధాన కార్యాలయం శాన్‌ఫ్రాన్సిస్కో నుంచి తన మకాం మార్చబోతున్నది. ఎక్స్‌ సీఈవో లిండా యక్కారినో ఇప్పటికే తమ సంస్థ ఉద్యోగులకు కార్యాలయ తరలింపుపై ఈ-మెయిల్‌ ద్వారా సమాచారం అందించారు. మార్పుకు అందరూ సంసిద్ధం కావాలని సూచించారు. శాన్‌ఫ్రాన్సిస్కో నుంచి కార్యకలాపాలు కొనసాగించడం కష్టతరంగా మారింది. ముఖ్యంగా, చెల్లింపుల  విషయంలో ఇబ్బందులు ఎదురవుతున్నాయి. ఎక్స్‌ ప్రధాన కార్యాలయంతో పాటే స్రైప్‌, బ్లాక్‌ ( క్యాష్‌ యాప్‌) తదితర కార్యాలయాలను కూడా వేరేచోటికి మార్పుతున్నాం అని ఎలాన్‌ మస్క్‌ పేర్కొన్న విషయం తెలిసిందే. విద్యుత్‌ ఆధారిత వాహనాల తయారీ సంస్థ టెస్లా, అంతరిక్ష పరిశోధన యాత్రల సంస్థ స్పేస్‌ ఎక్స్‌లతో పాటు, ఎక్స్‌ కార్యాలయాన్ని కూడా తరలిస్తామని మస్క్‌ గతంలోనే ఉద్యోగులకు ఓ మెయిల్‌ ద్వారా తెలిపారు. 2006లో ట్విట్టర్‌ ప్రారంభం అయింది. తర్వాత  ఎలాన్‌ మస్క్‌ చేతుల్లోకి వచ్చి ఎక్స్‌గా మారే వరకూ శాన్‌ఫ్రాన్సిస్కోలోనే కొనసాగుతోంది.