సరిహద్దు గోడను నిర్మించి తీరుతాం : డొనాల్డ్‌ ట్రంప్‌

అక్రమ వలస దేశం ఎదుర్కొంటున్న అత్యవసర జాతీయ సంక్షోభం అని, సరిహద్దు గోడ నిర్మాణానికి నిధులు అవసరమని అమెరికా అధ్యక్షుడు డొనాల్డ్‌ ట్రంప్‌ కాంగ్రెస్‌లో ఉమ్మడి సమావేశంలో అన్నారు. గతంలో ఈ ప్రాజెక్టును డెమొక్రాట్లు తిరస్కరించిన సంగతి తెలిసిందే. ట్రంప్‌ మాట్లాడుతూ గతంలో ఈ సభలో ఉన్నవారు చాలా మంది గోడ నిర్మాణానికి అంగీకరించారని, కానీ సరైన గోడ నిర్మించలేదని, ఇప్పుడు తాను దీనిని నిర్మిస్తానని ఉద్ఘాటించారు. ప్రధాన డెమొక్రటిక్‌ అడ్వైజరీ, ప్రతినిధుల సభ స్పీకర్‌ నాన్సీ పెలోసీ కూడా ఉన్నారు. మొదట రాజీ పరంగా ప్రసంగించినప్పటికీ, ట్రంప్‌ కాంగ్రెస్‌లో డిమాండ్‌ చేయగా.. డెమొక్రాట్లు తిరస్కరించడంతో సుమారు 35 రోజుల పాటు ప్రభుత్వ కార్యకలాపాలు (షట్‌టౌన్‌) నిలిచిపోయాయి.