TANA: తానా పాఠశాల ఆధ్వర్యంలో ఘనంగా తెలుగు భారతికి వెలుగు హారతి
- Published By: Vishal
- January 3, 2026 / 10:43 AM IST
న్యూయార్క్: ఉత్తర అమెరికా తెలుగు సంఘం (TANA) ఆధ్వర్యంలో నడుస్తున్న తానా పాఠశాల వేదికగా తెలుగు భాషా సంస్కృతులను చాటిచెప్పేలా తెలుగు భారతికి వెలుగు హారతి అనే కార్యక్రమం నిర్వహిస్తున్నారు. తెలుగు మన పిల్లల కోసం అనే నినాదంతో విద్యార్థులలో భాషాభిమానాన్ని పెంపొందించడమే లక్ష్యంగా ఈ కార్యక్రమాన్ని తలపెట్టారు.
కార్యక్రమ ముఖ్యాంశాలు
ఈ వేడుకలో తానా పాఠశాల విద్యార్థులు తమ ప్రతిభను చాటనున్నారు. ముఖ్యంగా తేనెలొలికే తెలుగు పాటలు, పద్యాలు, కథల విభాగాల్లో విద్యార్థుల ప్రదర్శనలు ప్రత్యేక ఆకర్షణగా నిలవనున్నాయి. తెలుగు జాతి మనది.. నిండుగా వెలుగు జాతి మనది.. అనే భావనను చాటిచెప్పేలా ఈ కార్యక్రమ నిర్వహణ జరుగుతోంది.
విశిష్ట అతిథులు…
భాషా కోవిదులు, కళా, సామాజిక రంగ ప్రముఖుల సమక్షంలో ఈ కార్యక్రమం జరుగుతుంది. ఈ వేడుకకు ముఖ్య అతిథులుగా వీరు హాజరవుతున్నారు. ఎల్.వి.గంగాధర శాస్త్రి: కేంద్ర సంగీత నాటక అకాడమీ అవార్డు గ్రహీత, భగవద్గీత ప్రచారకులు.
చల్లా సత్యవాణి: భారతీయం అధ్యక్షురాలు, సంస్కృతి ప్రచారకురాలు.
సుద్దాల అశోక్ తేజ: జాతీయ అవార్డు గ్రహీత, ప్రముఖ రచయిత.
ప్రస్తుత పరిస్థితుల దృష్ట్యా ఈ కార్యక్రమాన్ని జూమ్ (Zoom) వేదికగా ద్వారా నిర్వహిస్తున్నారు.
తేదీ: 03-01-2026, శనివారం
సమయం: ఉదయం 9:00 గంటలకు
ప్రవాస భారతీయులు, విద్యార్థుల తల్లిదండ్రులు, తెలుగు భాషాభిమానులందరూ ఈ కార్యక్రమంలో పాల్గొని విజయవంతం చేయాలని ప్రెసిడెంట్ నరేన్ కొడాలి, పాఠశాల చైర్ భాను మాగులూరి, ఇతర కార్యవర్గ సభ్యులు ఆహ్వానం పలుకుతున్నారు.
