డొనాల్డ్ ట్రంప్ కు ట్విట్టర్ షాక్

నల్లజాతీయుడు జార్జి ఫ్లాయిడ్‍ హత్యపై  స్పందిస్తూ అమెరికా అధ్యక్షుడు డొనాల్డ్ ట్రంప్‍ ట్వీట్‍ చేసిన వీడియోను ట్విట్టర్‍ తొలగించింది. ఈ వీడియో తమ కాపీరైట్‍ నిబంధనలను ఉల్లగిస్తోందని ట్విట్టర్‍ తెలిపింది.  ట్రంప్‍ ట్వీట్‍ చేసిన వీడియోలోని కొంత పుటేజ్‍పై ట్విట్టర్‍కు ఫిర్యాదు అందింది. తమ వీడియోస్‍ను ఉపయోగించి ఈ వీడియో తయారు చేశారని ఒకరు ఫిర్యాదు చేయడంతో ట్విట్టర్‍ మూడు నిమిషాల నిడివి ఉన్న ట్రంప్‍ వీడియోను తొలగించింది. ట్రంప్‍ ట్వీట్‍లను తొలగించడం ఇదే మొదటిసారి కాదు. కొద్ది రోజుల క్రితం మెయిల్‍ ఇన్‍ ఓటింగ్‍పై ట్రంప్‍ చేసిన ట్వీట్‍లను కూడా ట్విట్టర్‍ తొలగించింది.