Dallas: డల్లాస్‌లో ఘనంగా 221వ ‘నెల నెలా తెలుగు వెన్నెల’..

డల్లాస్, టెక్సాస్: తెలుగు భాషా సంస్కృతుల పరిరక్షణే ధ్యేయంగా ఉత్తర టెక్సాస్ తెలుగు సంఘం (టాంటెక్స్) గడిచిన 18 ఏళ్లుగా నిరాటంకంగా నిర్వహిస్తున్న “నెల నెలా తెలుగు వెన్నెల” సాహిత్య సదస్సు నేడు ఒక అపూర్వ మైలురాయిని చేరుకోనుంది. డిసెంబర్ 21న లూయిస్‌విల్లేలో ఈ సదస్సు 221వ సమావేశాన్ని అత్యంత వైభవంగా నిర్వహించారు.

ముఖ్య కార్యక్రమాలు: ఈ సదస్సు ప్రత్యేకంగా ‘సింహావలోకనం’ పేరుతో జరిగింది.

సమీక్ష: 2025 సంవత్సరంలో టాంటెక్స్ సాహిత్య వేదిక నిర్వహించిన వివిధ కార్యక్రమాలు, సాధించిన విజయాలపై సమగ్ర సమీక్ష నిర్వహించారు.

ప్రతిస్పందన: సాహిత్య వేదిక ప్రయాణంపై సభాసదులు, సాహితీ ప్రియుల స్పందనలను పంచుకున్నారు.

కవి సమ్మేళనం: ఆహుతులు తమ స్వీయ రచనలను (కవితలు, కథలు) ఈ వేదికపై పఠించే అవకాశం కల్పించారు.

భాషా పరిరక్షణ కోసమే పుట్టిన ఈ వేదిక దినదినాభివృద్ధి చెందుతూ భావితరాలకు స్ఫూర్తినిస్తోందని సాహిత్య వేదిక సమన్వయకర్త, పాలకమండలి ఉపాధిపతి దయాకర్ మాడా తెలిపారు. చరిత్రలో లిఖించదగిన ఈ 221వ సాహిత్య ఘట్టంలో ప్రవాస ఆంధ్రులందరూ పాల్గొని, సాహిత్య మాధుర్యాన్ని ఆస్వాదించారన్నారు.