NATS: నాట్స్‌ సంబరాల్లో తమన్‌, దేవీశ్రీ ప్రసాద్‌ సంగీత విభావరులు

జులై 4 నుంచి 6వ తేదీ వరకు ఉత్తర అమెరికా తెలుగు సంఘం (NATS) ఆధ్వర్యంలో 8వ అమెరికా సంబరాలు జరగనున్నాయి. అమెరికాలోని ఫ్లోరిడా రాష్ట్రం టాంపా (Tampa) పట్టణంలో వేడుకలు నిర్వహించనున్నట్లు నాట్స్‌ చైర్మన్‌ ప్రశాంత్‌ పిన్నమనేని, కన్వీనర్‌ శ్రీనివాస్‌ గుత్తికొండ తెలిపారు. హైదరాబాద్‌ శివారులోని అజీజ్‌నగర్‌లో ఏర్పాటు చేసిన విలేకరుల సమావేశంలో వారు వివరాలు వెల్లడించారు. వేడుకలకు సినీ ప్రముఖులతో పాటు సుమారు 10 వేల మంది హాజరుకానున్నట్లు తెలిపారు. ఈసారి తెలుగు భాషకు ప్రత్యేక ప్రాధాన్యం ఇవ్వనున్నట్లు ప్రకటించారు. సంగీత దర్శకులు తమన్‌, దేవీశీప్రసాద్‌ల సంగీత విభావరితోపాటు అమెరికా-11, నాట్స్‌-11 జట్ల మధ్య క్రికెట్‌ మ్యాచ్‌లు నిర్వహిస్తున్నట్లు వివరించారు.

ఈ కార్యక్రమంలో నిర్మాత నవీన్‌, దర్శకులు హరీశ్‌ శంకర్‌, మెహర్‌ రమేశ్‌, నటీమణులు జయసుధ, ఆమని, సన, గేయ రచయితలు రామజోగయ్యశాస్త్రి, చంద్రబోస్‌, నాట్స్‌ నాయకులు శ్రీహరి మందాడి తదితరులు పాల్గొన్నారు. తో పాటు ఇతర సినీ ప్రముఖులు పాల్గొన్నారు.

Click here for Photogallery