తానా కళాశాల సంసిద్ధత వెబినార్ సక్సెస్

తెలుగు అసోసియేషన్‌ ఆఫ్‌ నార్త్‌ అమెరికా (తానా), గ్రోమీ సహకారంతో మిడిల్‌ మరియు హైస్కూల్‌ పిల్లల కోసం కళాశాల సంసిద్ధతపై నిర్వహించిన వెబినార్‌ విజయవంతమైంది. అత్యంత సమాచారం అందించే ఈ వెబినార్‌ సెషన్‌ కోసం దాదాపు 250 మందికిపైగా  హాజరయ్యారు. తానా ప్రాంతీయ సమన్వయకర్త రామ్‌ తోట తొలుత అందరికీ స్వాగతం పలికారు.తానా అధ్యక్షుడు అంజయ్య చౌదరి లావు, కమ్యూనిటీ సర్వీసెస్‌ కోఆర్డినేటర్‌ రాజా కసుకుర్తి మరియు ఇతర తానా ఎగ్జిక్యూటివ్‌ టీమ్‌ సభ్యులను పరిచయం చేశారు.

తానా ప్రెసిడెంట్‌ అంజయ్య చౌదరి లావు మాట్లాడుతూ, అందరికీ అవసరమైన కళాశాల సంసిద్ధత తయారీపై తానా సభ్యులకు అవగాహన కల్పించడంలో గొప్ప సేవ చేసినందుకు గ్రోమీ బృందాన్ని (ఉప్పాజీ, కెల్లీ, బ్లెయిర్‌) అభినందించారు. ఈ కార్యక్రమాన్ని విజయవంతంగా నిర్వహించిన రాజా కసుకుర్తి, రామ్‌ తోట, నాగ పంచుమర్తి మరియు శ్రీనివాస్‌ ఓరుగంటిలకు కృతజ్ఞతలు తెలిపారు.

కమ్యూనిటీ సర్వీసెస్‌, కోఆర్డినేటర్‌ రాజా కసుకుర్తి ఈవెంట్‌ ప్లానింగ్‌-ఆర్గనైజింగ్‌ టీమ్‌కు కృతజ్ఞతలు తెలిపారు: నాగ పంచుమర్తి (రీజనల్‌ కోఆర్డినేటర్‌, అప్పలాచియన్‌), రామ్‌ తోట (రీజినల్‌ కోఆర్డినేటర్‌, ఉత్తర కాలిఫోర్నియా) శ్రీనివాస్‌ ఓరుగంటి (ఫౌండేషన్‌ ట్రస్టీ) మరియు ఈవెంట్‌ స్పీకర్‌లను పరిచయం చేశారు (ఉప్పాజీ కొత్తపల్లి, కెల్లీ బ్రిట్‌, బ్లెయిర్‌ బెట్స్‌). వివిధ అంశాలపై అవగాహన కల్పిస్తూ ‘కాలేజ్‌ రెడీనెస్‌ ప్రిపరేషన్‌’ పై గ్రోమీ బృందం పవర్‌పాయింట్‌ ప్రజంటేషన్‌ ఇచ్చింది.

Click here for Photogallery