NATS: విదేశాల్లోనూ తెలుగును బతికిస్తున్న అందరికీ పాదాభివందనాలు.. నాట్స్ కాన్ఫరెన్స్‌లో రఘురామకృష్ణంరాజు

నాట్స్ (NATS) 8వ తెలుగు సంబరాల్లో ఆంధ్రప్రదేశ్ డిప్యూటీ స్పీకర్ రఘురామకృష్ణం రాజు (RRR) కూడా పాల్గొన్నారు. ఈ సందర్భంగా ఆయన మాట్లాడుతూ.. తను గతంలో యూఎస్‌లో పర్యటించి ఎంతో మంది తెలుగు వారిని కలిశానని, అప్పట్లో రాష్ట్రంలో మార్పు కోరుకున్న వాళ్లు, ఆ మార్పు వచ్చిన తర్వాత ఇంత ఘనంగా నాట్స్ తెలుగు సంబరాలు జరుపుకోవడం, దానికి తనను ఆహ్వానించడం చాలా సంతోషంగా ఉందన్నారు. తనను ఈ కార్యక్రమానికి ఆహ్వానించినందుకు గుత్తికొండ శ్రీనివాస్, పిన్నమనేని ప్రశాంత్, రవి ఐకా, డాక్టర్ ఆలపాటి తదితరులందరికీ కృతజ్ఞతలు తెలియజేశారు. ఆంధ్రప్రదేశ్ ప్రభుత్వం చేపట్టిన పీ4 కార్యక్రమంతో రాష్ట్రంలో చదువకుంటున్న విద్యార్థులను దత్తత తీసుకొని, వారికి మెరుగైన విద్యను అందించడానికి సహకరించాలని కోరారు. ఈ క్రమంలో మాతృభూమికి సేవ చేసే ఎన్నారైలకు తిరుపతిలో చక్కగా దర్శనం చేయిస్తానని, ఇదేమీ కండీషన్ కాకపోయినా చాలామంది ఎన్నారైలు తిరుమల గురించి అడగడంతోనే ఈ మాట చెప్తున్నానని రఘురామకృష్ణం రాజు చెప్పారు. ఆంధ్ర రాష్ట్రంలో కన్నా అమెరికాలోని పిల్లలే తెలుగు స్పష్టంగా మాట్లాడుతున్నారని, తెలుగు సంస్కృతిని కాపాడుతున్న అమెరికాలోని తెలుగు వారికి పాదాభివందనాలు చేస్తున్నానని అన్నారు. విదేశాల్లో కూడా తెలుగును బతికిస్తున్న అందరికీ ధన్యవాదాలు తెలిపారు.

Click here for Photogallery