TANA: న్యూ ఇంగ్లాండ్‌ తానా ఆధ్వర్యంలో స్కూల్‌ పిల్లలకు బ్యాగుల పంపిణీ

ఉత్తర అమెరికా తెలుగు సంఘం (TANA) న్యూ ఇంగ్లాండ్‌ విభాగం ఆధ్వర్యంలో ఫ్రాంక్లిన్‌ లో ని ఆరు పాఠశాలల్లో తానా బ్యాక్‌ ప్యాక్‌ కార్యక్రమం కింద స్కూల్‌ పిల్లలకు బ్యాగులను పంపిణీ చేశారు. 200 పైగా చిన్నారులకు బ్యాగులను అందజేశారు. తమను ఆదరించిన అమెరికాలోని కమ్యూనిటీకి తమ వంతుగా సేవలందించాలన్న ఉద్దేశ్యంతో తానా ఈ బ్యాక్‌ ప్యాక్‌ కార్యక్రమాన్ని ఎన్నో సంవత్సరాలుగా నిర్వహిస్తోంది. ఈ సంవత్సరం కూడా బ్యాక్‌ప్యాక్‌ కార్యక్రమాన్ని తానా నాయకులు న్యూ ఇంగ్లాండ్‌ ప్రాంతీయ ప్రతినిధి మౌనిక మానికొండ చేపట్టారు. న్యూ ఇంగ్లాండ్‌ లో ఆగస్టు 27వ తేదీన ఫ్రాంక్లిన్‌ లోని స్కూల్‌ పిల్లలకు బ్యాగ్‌ లను పంపిణీ చేశారు. ఈ బ్యాగ్‌ లో క్రేయాన్స్‌, ఎరేజర్స్‌, పెన్సిల్‌, షార్పనర్స్‌, పెన్నులు తదితర వస్తువులను ఉంచి విద్యార్థులకు అందజేశారు.

ఈ కార్యక్రమంలో న్యూ ఇంగ్లాండ్‌ లోని తానా నాయకులు పాల్గొన్నారు. తానా న్యూ ఇంగ్లాండ్‌ ప్రాంతీయ ప్రతినిధి మౌనిక మానికొండ తానా ఇంటర్నేషనల్‌ కోఆర్డినేటర్‌ కృష్ణ ప్రసాద్‌ సోంపల్లి, త్రిభువన్‌ పారుపల్లి పాల్గొన్నారు. అసిస్టెంట్‌ సూపరింటెండెంట్‌ డాక్టర్‌ టీన రోజర్స్‌ తానా దాతృత్వం చిన్నారులు ముఖాలకు చిరునవ్వులు తెచ్చిందని, తానా చేస్తున్న ఈ సేవా కార్యాక్రమాలు ఇతరులకు స్ఫూర్తినిస్తుందని తెలిపారు.

Click here for Photogallery