మీటూ ఉద్యమంపై ఒరాక్ ఒబామా భార్య మిషెల్ స్పందన

ప్రపంచవ్యాప్తంగా మీటూ ఉద్యమం ఉవ్వెత్తున ఎగసిపడుతోంది. లైంగిక దాడులను ఎదుర్కొన్న మహిళలు తమ చేదు అనుభవాలను నిర్భయంగా బయటపెడుతున్నారు. ఈ క్రమంలో అమెరికా మాజీ అధ్యక్షుడు ఒరాక్‌ ఒబామా భార్య మిషెల్‌ కూడా మీటూ ఉద్యమానికి మద్దతు పలికారు. మహిళలంతా ధైర్యంగా ముందుకు రావాలని, తద్వారా రాబోయే తరాలకు మంచి బాట వేయాలని మిషెల్‌ సూచించారు. మహిళలు, బాలికలకు విద్య అందించేందుకు ఏర్పాటు చేసిన గ్లోబర్‌ గర్ల్‌ ఆలయెన్స్‌ను మిషెల్‌ ప్రారంభించారు. 

ఈ సందర్భంగా మిషెల్‌ మాట్లాడుతూ మార్పుతో ఏదైనా సాధ్యం అవుతుందని, అయితే, మార్పు అనేది అంత సులభంగా రాదని చెప్పారు. మన పోరాటానికి ఎన్నో అడ్డంకులు ఉంటాయని తెలిపారు. బాధిత మహిళలంతా తదుపరి తరాలకు మంచి బాట వేస్తున్నామనే భావనతో పోరాటం చేయాలని సూచించారు. స్త్రీ, పురుషుల మధ్య సమానత్వం ఉండాలని మహిళలు కోరుకుంటున్నారని చెప్పారు. మహిళలు, బాలికల విషయంలో చేయాల్సింది ఇంకా చాలా ఉందని అన్నారు.