వైభవంగా జరిగిన ‘లాటా’ 10వ వార్షికోత్సవం

లాస్‌ ఏంజల్స్‌ తెలుగు అసోసియేషన్‌ 10వ వార్షికోత్సవం ఇటీవల వైభవంగా జరిగింది. ఈ వేడుకల్లో వివిధ రకాల సాంస్కృతిక కార్యక్రమాలను సంగీత విభావరులను నిర్వహించారు. సిఎలోని లాంగ్‌బీచ్‌, అట్లాంటిక్‌ ఎవెన్యూ, జోర్దాన్‌ హైస్కూల్‌లో జరిగిన ఈ వేడుకలకు ఎంతోమంది హాజరయ్యారు. 

ఈ వేడుకల్లో భాగంగా నృత్య ప్రదర్శనలు, స్ఫూర్తిదాయకమైన సెమినార్‌లు నిర్వహించారు. అలాగే ఆస్కార్‌ అవార్డు గ్రహీత చంద్రబోస్‌ను సత్కరించారు. ప్రముఖ సంగీత స్వరకర్త అనూప్‌ రూబెన్స్‌ సంగీత విభావరి వచ్చినవారిని ఉల్లాసపరిచింది. టాలీవుడ్‌ హిట్‌ పాటలతో ఈ కార్యక్రమం సాగింది. నోరూరించే సంప్రదాయ తెలుగు వంటకాలు హాజరైన ప్రతి ఒక్కరిని సంతోషపెట్టాయి. అంజప్పర్‌ మరియు చుప్స్‌ వారు అందించిన రుచికరమైన వంటకాలను అందరూ మెచ్చుకున్నారు. 

ఒక దశాబ్దం పాటు సాంస్కృతిక పరిరక్షణ మరియు సమాజ సేవను కలిసి వచ్చిన, పాత-కొత్త సభ్యుల మధ్య బలమైన బంధాన్ని ఈ వేడుకల్లో చూసే అవకాశం కలిగింది. ఈ వేడుకలు విజయవంతం కావడానికి సహకరించిన లాటా పెద్దలకు, సభ్యులకు, కార్యవర్గానికి నిర్వాహకులు ధన్యవాదాలు తెలిపారు. 
 

Click here for Event Gallery