IT Serve Synergy 2025: చిన్న ఐటీ సంస్థల ప్రయోజనాల పరిరక్షణకు ఐటీ సర్వ్‌ సినర్జీ 2025 కృషి
- Published By: techteam
- November 29, 2025 / 10:06 AM IST
అంజు వల్లభనేని, నేషనల్‌ ప్రెసిడెంట్‌, ఐటీ సర్వ్‌
అమెరికాలో స్థిరపడటంతోపాటు ఐటీ రంగంలో విశేష అనుభవం గడిరచి, ఐటీ కంపెనీలను ఏర్పాటు చేసి వేలాది మందికి ఉపాధి కల్పించిన అంజు వల్లభనేని ఇప్పుడు అమెరికాలోని ఐటీ కంపెనీల సముదాయమైన ఐటీ సర్వ్‌కు ప్రెసిడెంట్‌గా వ్యవహరిస్తున్నారు. డిసెంబర్‌ 4,5 తేదీలలో ప్రతిష్టాత్మకమైన ఐటీ సర్వ్‌ సినర్జీ సదస్సు జరగనున్నది. అమెరికా వెలుపల మొదటిసారి సదస్సును ఏర్పాటు చేశారు. కరేబియన్‌ దీవులైన ప్యూర్టోరికో కన్వెన్షన్‌ సెంటర్‌లో ఈ సదస్సు జరగనున్నది. ఈ సదస్సును పురస్కరించుకుని ఐటీ సర్వ్‌కు ప్రెసిడెంట్‌గా ఉన్న అంజు వల్లభనేనితో తెలుగు టైమ్స్‌ ఎడిటర్‌ చెన్నూరి వెంకట సుబ్బారావు జరిపిన ఇంటర్వ్యూ విశేషాలు..
ఐటీ రంగంలో మీ ప్రవేశం, అనుభవాన్ని చెబుతారా?
నేను గుల్భర్గాలో మెకానికల్‌ ఇంజనీరింగ్‌ చదివి బిజినెస్‌ రంగంలోకి ప్రవేశించాను. డిస్ట్రిబ్యూషన్‌ ఆఫ్‌ యుటిలిటీ ఐటెమ్స్‌ అంటే గ్రైండర్స్‌, సబ్‌ మెరైన్‌ పంప్స్‌ వంటివి పంపిణీ చేసే బిజినెస్‌ చేశాను. తరువాత అమెరికా వెళ్ళే అవకాశం లభించింది. 1998లో హెచ్‌ 1 బి ప్రోగ్రామ్‌ మిలేనియం ఛాలెంజ్‌ సమయంలో యుఎస్‌లోకి మొదటగా బోస్టన్‌ నగరంలో అడుగుపెట్టాను. ఉపాధిలో అనుభవం సంపాదించిన తరువాత 2002లో 9`11 సంఘటన తరువాత సొంతంగా బిజినెస్‌ చేయాలని భావించి కొలంబస్‌ ఒహాయోలో యునైటెడ్‌ సాఫ్ట్‌వేర్‌ గ్రూపు (యుఎస్‌ జి) ప్రారంభించాను. ఈరోజు ఈ కంపెనీ 8 దేశాలకు విస్తరించింది. అమెరికా, మెక్సికో, కెనడా, యుకె, ఐర్లాండ్‌, ఇండియాతోపాటు ఇతర దేశాల్లో కూడా కార్యాలయాలను విస్తరించింది. ఇండియాలో 16 ఆఫీసులు పనిచేస్తున్నాయి. 1,500 మంది ఉద్యోగులు, అమెరికాలో 300 మంది పని చేస్తున్నారు. నాకు తయారీరంగంలో, బీమా ఇతర రంగాల్లో ఉన్న అనుభవం ఈ కంపెనీని పైకి తీసుకురావడానికి ఉపయోగపడ్డాయని అంటారు.
యుఎస్‌ జి కంపెనీ ఐటీ కన్సల్టింగ్‌ కంపెనీ, కన్సల్టింగ్‌తోపాటు టాలెంట్‌ మేనేజ్‌మెంట్‌, స్టాఫ్‌ ఆగ్మెంటేషన్‌ సొల్యూషన్‌లను అందించే సంస్థ. యునైటెడ్‌ సాఫ్ట్‌వేర్‌ గ్రూప్‌ను ఇంక్‌ 5000 అమెరికాస్‌ ఫాస్టెస్ట్‌-గ్రోయింగ్‌ ప్రైవేట్‌ కంపెనీగా గుర్తించడంతోపాటు మంచి రేటింగ్‌తో గౌరవించింది.
ఫ్యామిలీ గురించి చెప్పండి?
నాకు 1996లోనే వివాహం అయింది. ఇద్దరు పిల్లలు. కొడుకు, కూతురు. వాళ్ళిద్దరూ ఇప్పుడు మంచి పొజిషన్‌లోనే ఉన్నారు. కూతురు ఇంటీరియల్‌ డిజైనర్‌ ఇటీవలే వివాహమైంది. కొడుకు జెపి మోర్గాన్‌లో పనిచేస్తున్నాడు.
మీ ఐటీ సర్వ్‌ అలయన్స్‌ ప్రస్థానం గురించి వివరించండి?
ఐటీ సర్వ్‌తో ఎన్నో సంవత్సరాల అనుబంధం ఉంది. 2017లో ఐటీ సర్వ్‌లో చేరాను. 2019, 2020 సంవత్సరాలలో కొలంబస్‌ ఒహాయో ఛాప్టర్‌ ప్రెసిడెంట్‌గా 2 సంవత్సరాలు వరుసగా పనిచేశాను. 2021లో స్పాన్సర్‌షిప్‌ చైర్‌గా, 2022లో ట్రెజరర్‌గా, 2023లో సెక్రటరీగా, 2024లో ప్రెసిడెంట్‌ ఎలక్ట్‌ పదవిని నిర్వహించాను. 2025లో ఐటీ సర్వ్‌కు ప్రెసిడెంట్‌ అయ్యాను. ఐటీ సర్వ్‌లో వివిధ పదవులను నిర్వహించిన అనుభవంతో ప్రెసిడెంట్‌ పదవి ద్వారా ఐటీ సర్వ్‌ను మరింత బలపడేలా కృషి చేశాను. కొలంబస్‌ ఒహాయో చాఫ్టర్‌ను ఏర్పాటు చేయడంతో పాటు నేడు అందులో 75మంది సభ్యులను చేర్పించి ఆ ప్రాంతంలో ఐటీ సర్వ్‌ బలోపేతమయ్యేలా చేశాను. అలాగే ఐటీ సర్వ్‌లో స్పాన్సర్‌ షిప్‌ ప్రాసెస్‌ను రూపొందించడంలో ముఖ్యపాత్ర పోషించాను. నేషనల్‌ ట్రెజరర్‌గా ఉన్నప్పడు కూడా చాలా సిస్టమ్‌ ప్రొసీజర్స్‌ అమలుపరిచి ఆర్గనైజేషన్‌ను పటిష్టం చేయడంలో కీలకపాత్ర పోషించి పలువురి ప్రశంసలను అందుకున్నాను. ప్లాటినం మెంబర్‌షిప్‌ కు 25 వేల డాలర్లు, ఎలైట్‌ మెంబర్‌ 5 వేల డాలర్లు ఇవ్వాల్సి ఉంటుంది. ఈ మెంబర్‌షిప్‌ తీసుకోవాల్సిందిగా దేశమంతా ప్రచారం చేసి ఎంతో మందిని సభ్యులుగా చేర్పించడం జరిగింది. చేరిన సభ్యులకు వచ్చే ప్రయోజనాలను తెలియజేయడం వల్ల వారు సంతోషంగా సభ్యత్వాన్ని స్వీకరించారు. సిటీ వైజ్‌ చాఫ్టర్స్‌ను పెంచడంలో, మెంబర్లను పెంచడంలో చాలా శ్రద్ధ పెట్టాను.
సినర్జీ 2025 గురించి చెప్పండి?
మొదటిసారిగా అమెరికా వెలుపల ఐటీ సర్వ్‌ సినర్జీ 2025 జరుగుతోంది. ఈ సదస్సుకు ఇప్పటికే ప్రచార కార్యక్రమాలు పూర్తయ్యాయి. కిక్‌ ఆఫ్‌ మీటింగ్‌లకు మంచి ఆదరణ కనిపించింది. ఎంతో మంది ఇందులో పాల్గొనేందుకు ముందుకు వచ్చారు. వివిధ రంగాలకు చెందిన ప్రముఖులు ఇందులో మాట్లాడనున్నారు. దేశవ్యాప్తంగా ఉన్న ఐటీ నిపుణులు, ఐటీ కంపెనీల ప్రతినిధులు ఇందులో పాల్గొననున్నారు. అమెరికాలో ఉన్న ఐటీ ఎంట్రప్రెన్యూరర్స్‌కు రక్షణకోసం అవసరమైన చర్యలపై చర్చించడం జరుగుతుంది. తక్కువ ఖర్చుతో బిజినెస్‌ నిర్వహించే సదుపాయాలపై సూచనలు, నెట్‌ వర్క్‌ ఏర్పాటు వంటివి ఈ సదస్సులో ముఖ్యమైనవి. మేజర్‌ ఐటీ సంస్థల ప్రతినిధులతో సమావేశాలు, చర్చలు, ఇమ్మిగ్రేషన్‌, ఫైనాన్స్‌ వంటి విషయాలపై కూడా ఇందులో సమావేశాలు జరుగుతాయి.
