TCA: టీసీఏ ఆధ్వర్యంలో కెనడాలో ‘తీన్మార్ సంక్రాంతి’ సంబరాలు

విదేశాల్లో స్థిరపడినప్పటికీ మన తెలుగు సంస్కృతీ సంప్రదాయాలను మరువకుండా, కెనడాలోని తెలుగువారందరినీ ఒకే వేదికపైకి తెచ్చేందుకు తెలంగాణ కెనడా అసోసియేషన్ (TCA) సన్నాహాలు చేస్తోంది. సంక్రాంతి పండుగను పురస్కరించుకుని ‘తీన్మార్ సంక్రాంతి’ (Teenmar Sankranti) పేరుతో ఒక భారీ సాంస్కృతిక కార్యక్రమాన్ని నిర్వహించనుంది. ఈ వేడుకలు 2026 జనవరి 17, శనివారం నాడు సాయంత్రం 5:00 గంటలకు ప్రారంభం కానున్నాయి. ఎటోబికోక్‌ (Etobicoke)లోని 105 ఎరింగేట్ డ్రైవ్‌లో ఉన్న మైఖేల్ పవర్ – సెయింట్ జోసెఫ్ హైస్కూల్ (Michael Power – St. Joseph High School) వేదికగా ఈ వేడుకలు జరగనున్నట్లు టీసీఏ (TCA) వెల్లడించింది.

ఈ కార్యక్రమంలో ప్రధాన ఆకర్షణగా పిల్లల కోసం భోగి పళ్లు (Bhogi Pandlu) పోసే సంప్రదాయ వేడుకతో పాటు, ఫ్యాన్సీ డ్రెస్ కాంపిటీషన్ (Fancy Dress Competition) కూడా నిర్వహించనున్నారు. ఈ సంబరాలకు విచ్చేసే అతిథులందరికీ రుచికరమైన శాకాహార విందు (Vegetarian Dinner) అందుబాటులో ఉంటుంది. టీసీఏ (TCA) సభ్యులకు ఈ భోజనం సబ్సిడీ ధరలో అందించనున్నారు. సాంస్కృతిక కార్యక్రమాల్లో పాల్గొనడానికి ఆసక్తి ఉన్నవారు కల్చరల్ సెక్రటరీ స్పూర్తి కొప్పును, వెండర్ స్టాల్స్ వివరాల కోసం వైస్ ప్రెసిడెంట్ శాంతన్ నరెళ్లపల్లిని సంప్రదించవచ్చని (TCA) నిర్వాహకులు తెలిపారు. ఈ కార్యక్రమానికి ‘మార్నింగ్ రాగ’ (Morning Raaga) మీడియా పార్టనర్‌గా వ్యవహరిస్తోంది. కెనడాలోని తెలుగు కుటుంబాలన్నీ ఈ వేడుకలో పాల్గొని జయప్రదం చేయాలని (TCA) కోరుతోంది.