టెక్సాస్ లో 90 అడుగుల హనుమాన్ విగ్రహం..

టెక్సాస్ లో 90 అడుగుల ఎత్తైన హనుమంతుడి కాంస్య విగ్రహం కొలువుదీరింది. సుగర్ ల్యాండ్ లోని శ్రీ అష్టలక్ష్మి ఆలయంలో  ఈ నెల 15 నుంచి 18 మధ్య అత్యంత వైభవంగా నిర్వహించిన ప్రాణప్రతిష్ఠ మహోత్సవంలో ఈ స్టాట్యూ ఆఫ్ యూనియన్ హనుమాన్ మారుతి విగ్రహాన్ని శ్రీ చినజీయర్ స్వామి చేతుల మీదుగా ప్రతిష్ఠించారు. టెక్సాస్ లో ఇదే అత్యంత ఎత్తైన విగ్రహం కాగా, అమెరికాలో మూడోది. దీనికి ‘స్టాట్యూ ఆఫ్ యూనియన్’ (ఐక్యతా విగ్రహం) అని పేరు పెట్టారు. ప్రపంచంలోని ఎత్తైన విగ్రహాల జాబితాలో ఇది పేరు సంపాదించుకుంది. న్యూయార్క్ లోని స్టాట్యూ ఆఫ్ లిబర్టీ (151 అడుగులు), ఫ్లోరిడాలోని హలాండలే బీచ్ లో ఉన్న పెగాసస్ అండ్ డ్రాగన్ (110 అడుగులు)  విగ్రహాల సరసన మన హనుమాన్ విగ్రహం చేరింది. అంతేకాదు, భారతదేశం ఆవల అతిపెద్ద హనుమంతుడి విగ్రహం గానూ ఇది రికార్డులకెక్కింది.