నాన్న మమ్మల్ని తొందరగా ఇంటికి రమ్మని చెప్తూనే ఉంటారు : వరుణ్ తేజ్

మెగా ప్రిన్స్ వరుణ్ తేజ్ నటించిన బాక్సింగ్ బ్యాక్ డ్రాప్ సినిమా “గని” విడుదలకు సిద్దమైన అయిన సంగతి తెలిసినదే. ఇక ఈ సినిమా ప్రపంచ వ్యాప్తంగా ఈ శుక్రవారం అనగా ఏప్రిల్ 8న విడుదల కాబోతోంది. అల్లు అరవింద్ సమర్పిస్తున్న ఈ చిత్రానికి కిరణ్ కొర్రపాటి దర్శకత్వ బాధ్యతలు చేపట్టారు. ఇక ‘ఎఫ్ 2’ ‘గద్దలకొండ గణేష్’ వంటి వరుస హిట్స్ తో మంచి జోష్ లో ఉన్న వరుణ్.. ”గని” సినిమాతో హ్యాటిక్ సక్సెస్ అందుకుంటారని ముఖ్యంగా మెగా ఫ్యాన్స్ ఆతృతగా ఈ సినిమా కోసం ఎదురు చూస్తున్నారు. ఎఫ్ 2, గద్దలకొండ గణేష్ చిత్రాలు సక్సెస్ కావడంతో మరో విక్టరీకి రెడీ అయ్యాడు వరుణ్ తేజ్. గని చిత్రంతో రేపు శుక్రవారం (ఏప్రిల్ 8) థియేటర్స్‌లో కిక్ ఇవ్వబోతున్నాడు. కిరణ్ కొర్రపాటి దర్శకత్వం వహించిన ఈ చిత్రంలో వరుణ్ తేజ్ బాక్సర్‌గా కనిపించబోతున్నాడు.

అల్లు అరవింద్ సమర్పణలో రూపొందిన ఈ చిత్రంలో బాలీవుడ్ బ్యూటీ సయీ మంజ్రేక‌ర్ హీరోయిన్‌గా నటించింది. తెలుగులో ఆమెకు ఇదే తొలి చిత్రం. భారీ యాక్షన్ ఎపిసోడ్స్‌తో తెరకెక్కిన ఈ చిత్ర ప్రమోషన్స్‌లో పాల్గొన్న వరుణ్ తేజ్ పలు ఆసక్తికరమైన విషయాలను పంచుకున్నారు. ‘గని’ చిత్ర విశేషాలతో పాటు.. తన పెళ్లి గురించి తండ్రి నాగబాబు గురించి ఇంట్రస్టింగ్ విషయాలను పంచుకున్నారు. దీనిలో భాగంగా.. నాగబాబు ఫ్యాన్స్‌తో ముచ్చటించే #AskNagababu‌పై ఓపెన్ అయ్యారు వరుణ్ తేజ్. ఆస్క్ నాగబాబు ద్వారా మీ నాన్నగారు వివిధ ప్రశ్నలకు సమాధానాలు ఇస్తూనే ఉంటారు.. మీరు నాగబాబుకి సన్‌గా కాకుండా.. ఒక ఫ్యాన్‌గా ఒక ప్రశ్న అడగాలి అనుకుంటే ఏం అడుగుతారు అని యాంకర్ ప్రశ్నించడంతో వరుణ్ తేజ్ ఈ విధంగా సమాధానం ఇచ్చారు.

‘ఇంతకు ముందు అయితే చాలా ప్రశ్నలు ఉండేవి.. కానీ ఇప్పుడేం లేవు. ఎందుకు అంటే నాన్నని ఇంతకు ముందు ఏదైనా అడగాలి అంటే భయంగా ఉండేది.. ఏమంటారో.. ఎలా రియాక్ట్ అవుతారో.. తిడతారేమో అని భయం ఉండేది. నేను హీరో అయ్యి.. నాలుగైదు సినిమాలు చేసిన తరువాత కూడా ఆ భయం ఉండేది. కానీ ఇప్పుడు మేం ఫ్రెండ్స్‌గా ఉంటున్నాం. ప్రతి విషయాన్ని షేర్ చేసుకుంటున్నాం. నేను అడగాల్సిన ప్రశ్నలన్నీ ఇప్పటికే అడిగేశా.. ఫ్యాన్స్ అడిగే ప్రశ్నల్లో కూడా చాలావరకూ నేను అడిగేశా. నిహారికను నన్ను నాన్న గారు ఫోన్ చేసి ఎక్కడున్నారు అని అడుగుతుంటారు.. దయచేసి అలా అడగొద్దని మేం చెప్తూనే ఉంటాం.. కానీ ఆయనకి ఇప్పటికీ అలవాటు షూటింగ్‌లో ఉంటే ఫోన్ చేసి ఎక్కడ అని అడుగుతారు. నాన్నా షూటింగ్‌లో ఉన్నాం అని అంటే.. త్వరగా వచ్చేయండి అని అంటారు. త్వరగా ఎలా వస్తాం.. షూటింగ్‌లో ఉంటే.. బట్ మా క్షేమాన్ని కోరే బాధ్యతగల తండ్రి గా అడుగుతుంటారు.