Tiger Shroff: బాక్స‌ర్స్ లో బాలీవుడ్ స్టార్ బ్యాటింగ్

జాకీ ష్రాఫ్(Jockey Shroff) కొడుకుగా ఇండ‌స్ట్రీలోకి ఎంట్రీ ఇచ్చిన టైగ‌ర్ ష్రాఫ్(Tiger Shroff) త‌న యాక్టింగ్, డ్యాన్సుల‌తో స్పెష‌ల్ క్రేజ్ ను సంపాదించుకున్నాడు. హీరోపంతి(Heropanthi) సినిమాతో వెండితెర అరంగేట్రం చేసిన టైగ‌ర్ ష్రాఫ్ కెరీర్ స్టార్టింగ్ లో మంచి హిట్స్ అందుకున్న టైగ‌ర్, ఇప్పుడు మాత్రం స‌క్సెస్ కోసం తెగ క‌ష్ట‌ప‌డుతున్నాడు. అయితే తాజాగా టైగ‌ర్ ష్రాఫ్ సోష‌ల్ మీడియాలో షేర్ చేసిన ఓ పోస్ట్ నెట్టింట వైర‌ల్ అవుతుంది.

తాజాగా టైగ‌ర్ అక్ష‌య్ కుమార్(Akshay Kumar), గ‌ణేష్ ఆచార్య‌(Ganesh Acharya)తో క‌లిసి అండ‌ర్‌వేర్ లో క్రికెట్ ఆడుతున్న వీడియోను త‌న ఇన్‌స్టాగ్రామ్ లో షేర్ చేయ‌గా ఆ వీడియో వెంట‌నే నెట్టింట వైర‌ల్ అవుతుంది. ఈ వీడియో చూసి కొంద‌రు ఫ్యాన్స్ టైగ‌ర్ ఫిట్ నెస్ ను, కాన్ఫిడెన్స్ ను మెచ్చుకుంటే మ‌రికొంద‌రు మాత్రం అత‌ని బ‌ట్ట‌ల శైలిని ఎగ‌తాళి చేస్తూ ఇలాంటి దుస్తులు ఎందుకు వేసుకున్నాడ‌ని ప్ర‌శ్నిస్తున్నారు.

టైగ‌ర్ బ‌ట్టల‌ను చూసి కొంద‌రు దీన్ని చ‌డ్డీ ప్రీమియ‌ర్ లీగ్ అని అంటుంటే మ‌రికొంద‌రు ర‌క‌ర‌కాల ఫ‌న్నీ కామెంట్స్ చేస్తున్నారు. ఇక సినిమాల విష‌యానికొస్తే టైగ‌ర్ ఆఖ‌రిగా సింగం అగైన్, బ‌డే మియాన్ చోటే మియాన్ సినిమాల్లో క‌నిపించాడు. ఈ రెండు సినిమాలూ అనుకున్న ఫ‌లితాన్ని అందుకోవ‌డంలో విఫ‌ల‌మ‌య్యాయి. దీంతో ఇప్పుడు టైగ‌ర్ బాఘీ4(baghi4) పైనే ఆశ‌లు పెట్టుకుని ఆ సినిమా చేస్తున్నాడు. బాఘీ4 సెప్టెంబ‌ర్ 5న రిలీజ్ కానుంది.