Raja Saab: నెటిజ‌న్ల‌కు రాజా సాబ్ మేక‌ర్స్ హెచ్చ‌రిక‌

పాన్ ఇండియా స్టార్ ప్ర‌భాస్(Prabhas) హీరోగా న‌టిస్తున్న సినిమాల్లో ది రాజా సాబ్(The Raja Saab) ఒక‌టి. మారుతి(Maruthi) ద‌ర్శ‌క‌త్వంలో తెర‌కెక్కుతున్న ఈ సినిమాలో మాళ‌విక మోహ‌న‌న్(Malavika Mohanan), నిధి అగ‌ర్వాల్(Niddhi Agerwal), రిద్ధి కుమార్(Riddhi Kumar) హీరోయిన్లుగా న‌టిస్తున్నారు. మొద‌ట్లో ఈ సినిమాపై అంచ‌నాలు లేక‌పోయినా ఫ‌స్ట్ లుక్, గ్లింప్స్ రిలీజ‌య్యాక మాత్రం ది రాజా సాబ్ సినిమాపై ఒక్క‌సారిగా అంచ‌నాలు పెరిగిపోయాయి.

రాజా సాబ్ లో ప్ర‌భాస్ ను వింటేజ్ లుక్ లో చూపించి సినిమాపై అంచ‌నాలు పెంచేసిన మారుతి, సినిమాలో నెక్ట్స్ లెవెల్ స్ట‌ఫ్ ను చూపించ‌బోతున్నాన‌ని ఎప్ప‌టిక‌ప్పుడు ఊరిస్తూనే ఉన్నాడు. అయితే రాజా సాబ్ టీజ‌ర్(Raja Saab Teaser) ను జూన్ 16న రిలీజ్ చేయనున్న‌ట్టు మేక‌ర్స్ ఇప్ప‌టికే అనౌన్స్ చేశారు. ఈ టీజ‌ర్ ను థియేట‌ర్ల‌లో కూడా రిలీజ్ చేయాల‌ని ఎంతో గ్రాండ్ గా ప్లాన్ చేశారు.

అన్నీ ప్లాన్ చేసుకున్న త‌ర్వాత ఈ టీజ‌ర్ ఇప్పుడు ఆన్ లైన్ లో లీక్ అవ‌డం అంద‌రినీ ఆశ్చ‌ర్యానికి గురి చేసింది. రాజా సాబ్ టీజ‌ర్ కు సంబంధించిన విజువ‌ల్స్ సోష‌ల్ మీడియాలో వైర‌ల్ అవుతుండ‌గా, మేక‌ర్స్ ఈ ఇష్యూపై రియాక్ట్ అయి వార్నింగ్ ఇచ్చారు. రాజా సాబ్ టీజ‌ర్ లీక్ విజువ‌ల్స్ ఎవ‌రి హ్యాండిల్ లో క‌నిపించినా ఆ అకౌంట్స్ ను స‌స్పెండ్ చేయ‌డ‌మే కాకుండా యాక్ష‌న్ కూడా తీసుకుంటామ‌ని చెప్తున్నారు. త‌మ‌న్(Thaman) సంగీతం అందిస్తున్న రాజా సాబ్ సినిమాను పీపుల్ మీడియా ఫ్యాక్ట‌రీ(People Media Factory) భారీ బ‌డ్జెట్ తో నిర్మిస్తోంది.