The Raja Saab: రాజా సాబ్ ఫ‌స్ట్ సింగిల్ కు డేట్ ఫిక్స్?

పాన్ ఇండియా స్టార్ ప్ర‌భాస్(Prabhas) ప్ర‌స్తుతం ప‌లు సినిమాల‌తో బిజీగా ఉన్నాడు. ఓ వైపు రాజా సాబ్(raja saab) షూటింగ్ ను పూర్తి చేస్తూనే మ‌రోవైపు హ‌ను రాఘ‌వ‌పూడి(hanu raghavapudi) ద‌ర్శ‌క‌త్వంలో ఫౌజీ(Fauji) మూవీని చేస్తున్న డార్లింగ్(Darling), ముందుగా రాజా సాబ్ ను ప్రేక్ష‌కుల ముందుకు తీసుకురానున్నాడు. ప్ర‌భాస్ కెరీర్లోనే మొద‌టి సారి హార్ర‌ర్ కామెడీ థ్రిల్ల‌ర్ జాన‌ర్ లో ది రాజా సాబ్(the raja saab) రూపొందుతుంది.

మొద‌ట్లో రాజా సాబ్ పై పెద్దగా అంచ‌నాలు లేక‌పోయినా రాను రాను దీనిపై భారీ అంచ‌నాలు నెల‌కొన్నాయి. ఈ నేప‌థ్యంలోనే రాజాసాబ్ ఎప్పుడెప్పుడొస్తుందా అని ప్ర‌భాస్ ఫ్యాన్స్ వెయిట్ చేస్తున్నారు. ఇదిలా ఉంటే ఈ మూవీ గురించి ఓ ఇంట్రెస్టింగ్ అప్డేట్ వినిపిస్తోంది. అదే ఫ‌స్ట్ సింగిల్ అప్డేట్. వాస్త‌వానికి రాజా సాబ్ ఫ‌స్ట్ సింగిల్ ఇప్ప‌టికే రావాల్సింది.

కానీ కొన్ని కార‌ణాల వ‌ల్ల అది వాయిదా పడింది. కాగా ఇప్పుడు రాజాసాబ్ ఫ‌స్ట్ సింగిల్(raja saab first single) నవంబ‌ర్ 5న రిలీజ్ అవొచ్చ‌ని టాక్ వినిపిస్తోంది. త్వ‌ర‌లోనే దీనిపై అధికారిక ప్ర‌క‌ట‌న కూడా రానుంద‌ని తెలుస్తోంది. నిధి అగ‌ర్వాల్(Niddhi agerwal), మాళ‌విక మోహ‌న‌న్(malavika mohanan), రిద్ధి కుమార్(riddhi kumar) హీరోయిన్లుగా న‌టిస్తున్న ఈ మూవీకి త‌మ‌న్(Thaman) సంగీతం అందిస్తుండ‌గా, పీపుల్ మీడియా ఫ్యాక్ట‌రీ(people media factory) భారీ బ‌డ్జెట్ తో రాజా సాబ్ ను నిర్మిస్తోంది. జ‌న‌వ‌రి 9న ఈ మూవీ సంక్రాంతి కానుక‌గా ప్రేక్ష‌కుల ముందుకు రానుంది.