The Raja Saab: డ‌బ్బింగ్ పూర్తి చేసిన ప్ర‌భాస్

పాన్ ఇండియా స్టార్ ప్ర‌భాస్(Prabhas) మారుతి(Maruthi) ద‌ర్శ‌క‌త్వంలో ది రాజా సాబ్(The Raja Saab) అనే సినిమా చేస్తున్న సంగ‌తి తెలిసిందే. కామెడీ హార్ర‌ర్ నేప‌థ్యంలో ఈ మూవీ తెర‌కెక్కుతుంది. ప్ర‌భాస్ త‌న కెరీర్లో మొద‌టిసారి ఈ జాన‌ర్ లో న‌టిస్తుండ‌టంతో పాటూ ఈ సినిమాలో ప్ర‌భాస్ లుక్స్ కూడా వింటేజ్ గా అనిపించ‌డంతో ది రాజా సాబ్(The Raja Saab) పై ప్ర‌భాస్(Prabhas) ఫ్యాన్స్ తో పాటూ సాధార‌ణ ఆడియ‌న్స్ కు కూడా మంచి అంచ‌నాలున్నాయి.

అయితే రాజా సాబ్ నుంచి మేక‌ర్స్ ఓ అదిరిపోయే టీజ‌ర్ ను రిలీజ్ చేసి ఫ్యాన్స్ కు ట్రీట్ ఇవ్వాల‌ని చూస్తున్నార‌ని గ‌త కొన్నాళ్లుగా ఫిల్మ్ న‌గ‌ర్ సర్కిల్స్ లో టాక్ వినిపిస్తోంది. త్వ‌ర‌లోనే రాజా సాబ్ టీజ‌ర్(Raja Saab Teaser) ను రిలీజ్ చేసేందుకు మేక‌ర్స్ ప్లాన్ చేస్తున్నారు. అందులో భాగంగానే ప్ర‌భాస్ రీసెంట్ గానే ఈ టీజ‌ర్ కోసం త‌న డ‌బ్బింగ్ ను కూడా ఫినిష్ చేసిన‌ట్టు తెలుస్తోంది.

ప్ర‌భాస్ డ‌బ్బింగ్ చెప్ప‌డం కూడా పూర్తైందంటే రాజా సాబ్ టీజ‌ర్ అప్డేట్ ఏ క్ష‌ణ‌మైనా రావొచ్చు. ఈ మూవీలో ప్ర‌భాస్ డ్యూయ‌ల్ రోల్ చేస్తున్న సంగ‌తి తెలిసిందే. మాళ‌విక మోహ‌న‌న్(Malavika Mohanan), నిధి అగ‌ర్వాల్(Niddhi Agerwal), రిద్ధి కుమార్(Riddhi Kumar) హీరోయిన్లుగా న‌టిస్తున్న ఈ సినిమాలో సంజ‌య్ ద‌త్(Sanjay Dutt) కీల‌క పాత్ర‌లో న‌టిస్తున్నాడు. త‌మ‌న్(Thaman) సంగీతం అందిస్తున్న ఈ సినిమాను పీపుల్ మీడియా ఫ్యాక్ట‌రీ(People Media Factory) భారీ బ‌డ్జెట్ తో నిర్మిస్తోంది.