సలార్ మూవీలో ప్రభాస్ తో కేజీఎఫ్ హీరోయిన్ స్పెషల్ అట్రాక్షన్ అంటా!

యంగ్‌ రెబల్‌ స్టార్‌ ప్రభాస్‌ వరుసగా పాన్ ఇండియా మూవీస్ లో నటిస్తోన్న విషయం తెలిసిందే. అయితే  వాటిలో ఆల్రెడీ షూటింగ్ మొదలెట్టిన మూవీ కేజీఎఫ్‌ దర్శకుడు ప్రశాంత్‌ నీల్‌ దర్శకత్వంలో రూపొందుతున్న సలార్‌ కూడా ఒకటి. ఈ పాన్‌ ఇండియా సినిమాలో తొలిసారిగా ప్రభాస్‌ సరసన శృతి హాసన్‌ హీరోయిన్‌గా నటిస్తున్న సంగతి తెలిసిందే. ఇప్పటికే ఈ సినిమా షూటింగ్‌ కోసం హైదరాబాద్‌లో భారీ సెట్‌ను కూడా ఏర్పాటు చేసింది చిత్ర బృందం.  

అయితే ఈ మూవీకి సంబంధించి మరో ఇంట్రెస్టింగ్‌ అప్డేట్ వచ్చింది. సలార్‌ సినిమాలో ప్రభాస్‌తో స్పెప్పులేసేందుకు కేజీఎఫ్‌ హీరోయిన్ శ్రీనిధీ శెట్టిని రంగంలోకి దింపుతున్నారు డైరెక్టర్‌ ప్రశాంత్‌ నీల్‌. ఈ బెంగళూరు  భామతో ఓ స్పెషల్‌ సాంగ్‌ను ప్లాన్‌ చేసింది చిత్ర బృందం. భారీ బడ్జెట్‌తో రూపొందుతున్న సలార్‌లో ఈ స్పెషల్‌ సాంగ్‌ హైలెట్‌గా నిలుస్తుందని సమాచారం. నెక్స్ట్ షెడ్యూల్‌లోనే ఈ కన్నడ భామతో ప్రభాస్‌ స్పెషల్‌ సాంగ్‌ చిత్రీకరణ ఉండనుందట. ఇందుకోసం ఇప్పటికే సన్నాహాలు మొదలుపెట్టారు. అతి  త్వరలోనే దీనికి సంబంధించిన షూటింగ్‌ను మొదట పెట్టనున్నారని సమాచారం. హోంబలే ఫిల్మ్స్‌ బ్యానర్‌పై ఎంతో ప్రతిష్టాత్మకంగా తెరకెక్కుతున్న ఈ సినిమాపై దేశవ్యాప్తంగా భారీ అంచనాలు నెలకొన్నాయి. వచ్చే ఏడాది ఏప్రిల్ 14వ తేదీన ఈ సినిమాను ప్రపంచ వ్యాప్తంగా గ్రాండ్‌గా రిలీజ్ చేయడానికి ప్లాన్ చేస్తున్నారు.