The Raja Saab: రాజా సాబ్ కోసం మ‌రో స్పెష‌ల్ సెట్

పాన్ ఇండియా స్టార్ ప్ర‌భాస్(prabhas) ప్ర‌స్తుతం వ‌రుస పెట్టి సినిమాల‌ను చేస్తూ బిజీగా ఉన్నాడు. ఒక‌ వైపు మారుతి(maruthi) తో ది రాజా సాబ్(the raja saab) ను ఫినిష్ చేస్తూనే మ‌రోవైపు హ‌ను రాఘ‌వ‌పూడి(hanu raghavapudi) ద‌ర్శ‌క‌త్వంలో ఫౌజీ(fauji) అనే పీరియాడిక‌ల్ ల‌వ్ స్టోరీని చేస్తున్నాడు. ఈ రెండింటిలో ది రాజా సాబ్ షూటింగ్ దాదాపు ఆఖ‌రి దశ‌కు రాగా ది రాజా సాబ్ పై అంద‌రికీ భారీ అంచ‌నాలున్నాయి.

ఈ సినిమాలో ప్ర‌భాస్ వింటేజ్ లుక్ లో క‌నిపించ‌నుండ‌టంతో పాటూ డ్యూయ‌ల్ రోల్ చేస్తుంట‌డంతో సినిమాపై మంచి ఆస‌క్తి ఏర్ప‌డింది. పైగా ప్ర‌భాస్ కెరీర్లోనే మొదటిసారి హార్ర‌ర్ కామెడీ థ్రిల్ల‌ర్ నేప‌థ్యంలో తెర‌కెక్కుతుంది ఈ సినిమా. ఇదిలా ఉంటే ఈ సినిమా కోసం మేక‌ర్స్ హ‌వేలి(haveli) పేరుతో ఓ భారీ ప్యాలెస్ ను సెట్ వేయ‌గా ఇప్పుడు మ‌రో సెట్ ను వేస్తున్న‌ట్టు తెలుస్తోంది.

రాజా సాబ్ సినిమా కోసం మేక‌ర్స్ ఓ సాంగ్ ను త‌మ‌ళనాడులోని కుంభ‌కోణంలో ప్లాన్ చేయ‌గా, ఇప్పుడా పాట‌ను అజీజ్ న‌గ‌ర్ లోనే స్పెష‌ల్ సెట్ వేసి అందులోనే షూట్ చేయ‌బోతున్నార‌ని తెలుస్తోంది. ఈ సెట్ ను కూడా పీపుల్ మీడియా ఫ్యాక్ట‌రీ(people media factory) నిర్మించిన కొత్త స్టూడియోలోనే వేయ‌నున్నార‌ని స‌మాచారం. మాళ‌విక మోహ‌న‌న్(malavika mohanan), నిధి అగ‌ర్వాల్(nidhhi Agerwal), రిద్ధి కుమార్(riddhi Kumar) హీరోయిన్లుగా న‌టిస్తున్న ఈ సినిమా వ‌చ్చే ఏడాది జ‌న‌వ‌రి 9న ప్రేక్ష‌కుల ముందుకు రానుంది.