నీ సినిమాలు చూసి ప్రేక్షకులు ఆనందిస్తుంన్నారు : రాజమౌళి కి వాయిస్ లెటర్ పంపిన ద‌ర్శ‌కుడు రామ్ గోపాల్ వ‌ర్మ

ఆర్ఆర్ఆర్ సినిమాను చూసిన వివాదాస్పద ద‌ర్శ‌కుడు రామ్ గోపాల్ వ‌ర్మ ప్ర‌శంస‌ల వ‌ర్షం కురిపిస్తున్నారు. స్టేట‌స్ అంతా మ‌ర‌చిపోయి చిన్న పిల్లాడిలా సినిమాను చూసి ఎంజాయ్ చేశాన‌ని, ముప్పై ఏళ్ల‌లో ఇలాంటి సినిమా చూడ‌లేద‌ని అన్నారు. యంగ్ టైగ‌ర్ ఎన్టీఆర్‌, మెగా ప‌వ‌ర్ స్టార్ రామ్ చ‌ర‌ణ్ హీరోలుగా ద‌ర్శ‌క ధీరుడు రాజ‌మౌళి ద‌ర్శ‌క‌త్వంలో రూపొందిన భారీ బ‌డ్జెట్, హై టెక్నిక‌ల్‌..ప్రెస్జీజియ‌స్ మూవీ ఆర్ఆర్ఆర్. ఈ సినిమాపై ఇటు సినీ ప్రేక్ష‌కులు, అభిమానులే కాదు.. విమ‌ర్శ‌కులు, సెల‌బ్రిటీలు సైతం ప్ర‌శంస‌లు వ‌ర్షం కురిపిస్తున్నారు. తాజాగా ఈ లిస్టులో వివాదాస్ప‌ద ద‌ర్శ‌కుడు రామ్ గోపాల్ వ‌ర్మ చేరారు. బ‌య‌ట‌కు పెద్ద‌గా చెప్ప‌డు కానీ.. రాజ‌మౌళి అంటే ఆర్జీవీకి అభిమాన‌మే. ఆ అభిమానాన్ని మ‌రోసారి మాట‌ల రూపంలో చాటుకున్నారు ఆర్జీవీ.

ఆర్ఆర్ఆర్ పై సోష‌ల్ మీడియాలో ప్ర‌శంస‌ల వ‌ర్షం కురిపించారు మ‌న కాంట్ర‌వ‌ర్సియ‌ల్ డైరెక్ట‌ర్‌. రాజమౌళి కి పంపిన వాయిస్ లెటర్ లో ‘‘ఆర్ఆర్ఆర్ సినిమా చూశాను. అదొక అద్భుతమైన చిత్రం. నేను ఈ సంద‌ర్బంలో ఆర్ఆర్ఆర్ గురించి ఓ విష‌యం చెప్పాల‌నుకుంటున్నాను. ఈ చిత్రంలో నాలోని పిల్ల‌వాడిని బ‌య‌ట పెట్టింది. స్టేట‌స్ అన్నీ మ‌ర‌చిపోయి చిన్న పిల్లాడిలా సినిమా చూశాను. మ‌న‌స్ఫూర్తిగా ఎంజాయ్ చేశాను. ట్రైల‌ర్ చూసిన‌ప్పుడు సినిమా బావుంటుంద‌ని అనిపించింది. కానీ.. సినిమా చూసిన త‌ర్వాత అద్భుతంగా అనిపించింది. ఏదైనా విష‌యంపై మాట్లాడేట‌ప్పుడు ఫుల్ క్లారిటీతో మాట్లాడుతాను. తొలిసారి ఏం మాట్లాడాలో తెలియ‌డం లేదు. మాట‌లు క‌రువ‌య్యాయి. క‌థేంటి.. పాత్ర‌లు ఎవ‌రు? అనే విష‌యాల‌ను ప‌క్క‌న పెడితే క‌థ‌ను చెప్పిన తీరు ఎంతో బావుంది. తార‌క్ పాత్ర బావుంద‌ని, కాదు.. చ‌ర‌ణ్ పాత్ర బావుంద‌ని ఇలా చాలా మంది చాలా చెబుతుంటారు. అవ‌న్నీ అన‌వ‌స‌రం. ఎవ‌రి స‌న్నివేశాల్లో వారు అద‌ర‌గొట్టేశారంతే. రాజ‌మౌళి ప్రేక్ష‌కుల‌కు దొరికిన ఓ బంగారం. నీలాంటి వ్య‌క్తి భూమ్మీద‌కు వ‌చ్చి, సినిమాను క‌ల‌గా చేసుకుని మంచి చిత్రాల‌ను డైరెక్ట‌ర్‌గా రూపొందిస్తున్నందుకు ప్రేక్ష‌కులు ఎంతో ఆనందంగా ఉన్నారు. ముప్పై ఏళ్లలో నేను ఇంత‌లా మ‌రో సినిమాను ఎంజాయ్ చేయ‌లేదు’’ అని పేర్కొన్నారు ఆర్జీవీ. 

RGV Vocie letter to Rajamouli:

https://twitter.com/RGVzoomin/status/1508301749592895492