సౌందర్య రజనీకాంత్ రూ. కోటి విరాళం

కరోనా బాధితులకు చేయూతనిచ్చేందుకు కోలీవుడ్‍ నడుంబిగించింది. తమిళనాడు ప్రభుత్వానికి అండగా పలువురు సినీ ప్రముఖులు తరలివస్తున్నారు. తమవంతు సాయంగా కరోనా బాధితుల కోసం సీఎం సహాయ నిధికి భారీ విరాళాలు  ప్రకటిస్తున్నారు. తాజాగా సూపర్‍ స్టార్‍ రజనీకాంత్‍ రెండవ కూతురు సౌందర్య రజనీకాంత్‍ సైతం విరాళం ఇచ్చింది. ఆమె భర్త విశాగన్‍ వనంగముడి, మామ ఎస్‍ఎస్‍ వనంగముడితో కలిసి సీఎం క్యాంపు కార్యాలయంలో ముఖ్యమంత్రి ఎంకే స్టాలిన్‍కు కోటీ రూపాయల చెక్‍ను అందించింది. తమ ఫార్మా కంపెనీ అపెక్స్ లాబోరేటరీ నుంచి ఈ విరాళం అందించినట్లు ఆమె తెలిపింది. అనంతరం ఆమె భర్త విశాగన్‍ రాష్ట్రానికి కొత్త  సీఎంగా ఎన్నికైన ఎంకే స్టాలిన్‍కు పుష్ప గుచ్చం ఇచ్చి శుభాకాంక్షలు  తెలిపారు.