Raashi Khanna: రాశీ ఆశలేంటో “తెలుసు క‌దా”!

ఊహ‌లు గుస‌గుస‌లాడే(Oohalu gusa gusalade) సినిమాతో తెలుగు తెర‌కు హీరోయిన్ గా ప‌రిచ‌యైన రాశీ ఖ‌న్నా(raashi khanna) ఫ‌స్ట్ మూవీతోనే న‌టిగా మంచి మార్కులు వేసుకోవ‌డంతో పాటూ ఆ సినిమాతో మంచి హిట్ అందుకుంది. దీంతో త‌ర్వాత రాశీకి వ‌రుస అవ‌కాశాలొచ్చాయి. త‌క్కువ టైమ్ లోనే టాలీవుడ్ లోని టైర్2 హీరోలంద‌రితో సినిమాలు చేసింది రాశీ.

సినిమాలైతే చేసింది కానీ రాశీకి స్టార్ హీరోయిన్ గా ప్ర‌మోష‌న్ మాత్రం ద‌క్క‌లేదు. అలా అని రాశీకి హిట్ సినిమాలు లేవా అంటే చాలానే ఉన్నాయి కానీ ఆ హిట్లు రాశీకి అనుకున్న స్టార్ స్టేట‌స్ ను ద‌క్కించ‌లేకపోయాయి. అయితే గ‌త కొంత‌కాలంగా రాశీకి తెలుగులో ఆఫ‌ర్లు బాగా త‌గ్గిపోయాయి. రాశీ చేతిలో ప్ర‌స్తుతం ఉన్న ఒకే ఒక్క మూవీ తెలుసు క‌దా(telusu kadha).

సిద్దు జొన్న‌ల‌గ‌డ్డ(Siddhu jonnalagadda) హీరోగా నీర‌జ కోన(neeraja kona) ద‌ర్శ‌క‌త్వంలో తెర‌కెక్కిన ఈ సినిమా అక్టోబ‌ర్ 17న రిలీజ్ కానుంది. గ‌త కొంత‌కాలంగా టాలీవుడ్ లో స‌రైన హిట్ లేక ఇబ్బంది ప‌డుతున్న రాశీ, ఈ సినిమాపై చాలానే ఆశ‌లు పెట్టుకుంది. తెలుసు క‌దా సినిమాతో హిట్ అందుకుంటే తిరిగి తెలుగులో బిజీ అవొచ్చ‌ని అమ్మ‌డు ప్ర‌య‌త్నిస్తుంది. కానీ ఈ సినిమాలో రాశీతో పాటూ శ్రీనిధి శెట్టి(srinidhi Shetty) కూడా హీరోయిన్ గా న‌టిస్తుంది. మ‌రి వీరిద్ద‌రిలో ఎవ‌రికి ఎక్కువ పేరొస్తుంది? రాశీ పెట్టుకున్న ఆశ‌ల్ని తెలుసు క‌దా ఏ మేర‌కు నెర‌వేరుస్తుంద‌నేది చూడాలి.