ఎన్టీఆర్‌, కొర‌టాల శివ కాంబినేషన్ లో NTR #30 ఫిబ్ర‌వ‌రి 7 లేక ఫిబ్ర‌వ‌రి18 న లాంఛనంగా ప్రారంభం

యంగ్ టైగ‌ర్ ఎన్టీఆర్‌, కొర‌టాల శివ కాంబినేషన్ లో రూపొంద‌బోయే NTR #30 ప్రారంభానికి రెండు డేట్స్ వినిపిస్తున్నాయి.  అందులో ఒక‌టి ఫిబ్ర‌వ‌రి 7కాగా రెండో డేట్ ఫిబ్ర‌వ‌రి 18. ఈ రెండు తేదీల్లో ఏదోఒక తేదీనాడు NTR #30ను లాంఛ‌నంగా ప్రారంభిస్తార‌ని స‌మాచారం. యంగ్ టైగ‌ర్ ఎన్టీఆర్‌, కొర‌టాల శివ కాంబినేష‌న్‌లో జ‌న‌తా గ్యారేజ్ త‌ర్వాత మ‌రో సినిమా రూపొంద‌నున్న సంగ‌తి తెలిసిందే. ఎప్పుడో లాంచ‌నంగా ప్రారంభం కావాల్సిన ఈ చిత్రం కోవిడ్ థ‌ర్డ్ వేవ్ కార‌ణంగా వాయిదా ప‌డుతూ వ‌చ్చింది. అలాగే మ‌రో కార‌ణం ఆర్ఆర్ఆర్ మూవీ రిలీజ్ కోసం తార‌క్ వెయిట్ చేశారు. రిలీజ్ త‌ర్వాతే కొర‌టాల శివ‌తో సినిమాను స్టార్ట్ చేయాల‌ని తార‌క్ భావించిన‌ప్ప‌టికీ కోవిడ్ థ‌ర్డ్ కార‌ణంగా ఆర్ఆర్ఆర్ వాయిదా ప‌డింది. ఇక ఆల‌స్యం చేయ‌డం భావ్యం కాద‌ని తార‌క్ భావించాడేమో కానీ.. ఫిబ్ర‌వ‌రిలో త‌న 30వ సినిమాను ఎన్టీఆర్ స్టార్ట్ చేయ‌డానికి రెడీ అయిపోయారు.

సినీ వ‌ర్గాల్లో వినిపిస్తోన్న వార్త‌ల మేర‌కు కొర‌టాల శివ ద‌ర్శ‌క‌త్వంలో రూపొంద‌బోయే NTR #30 లాంఛింగ్‌కు డేట్ ఖరారైంది. ఫిబ్ర‌వ‌రి 7న NTR #30ను లాంఛ‌నంగా ప్రారంభిస్తార‌ని స‌మాచారం. పాన్ ఇండియా రేంజ్‌లో సినిమాను రూపొందించేలా స్క్రిప్ట్‌ను కొర‌టాల శివ సిద్ధం చేశార‌ట‌. అందు కోసం బాలీవుడ్ హీరోయిన్ ఆలియా భ‌ట్‌ను తీసుకోనున్నారట‌. మ్యూజిక్ డైరెక్ట‌ర్‌గా కోలీవుడ్‌కి చెందిన అనిరుద్ ర‌విచంద్ర‌న్ సంగీత సార‌థ్యం వ‌హించ‌బోతున్నార‌ట‌. జ‌న‌తాగ్యారేజ్‌లో ప్ర‌కృతి కాపాడే విద్యార్థి నాయ‌కుడిగా ఓ డిఫరెంట్ కోణంలో ఎన్టీఆర్‌ను ఆవిష్క‌రించి కొర‌టాల శివ‌,  మ‌రోసారి కూడా మంచి ఆశయాలుగల  విద్యార్థి నాయ‌కుడి పాత్ర‌లోనే చూపించ‌బోతున్నార‌ట‌. ఇందులో ఎన్టీఆర్ .. పేద విద్యార్థుల చ‌దువు కోసం రాజ‌కీయ నాయ‌కుల‌పై తిర‌గ‌బ‌డే విద్యార్థి లీడ‌ర్‌గా క‌నిపించ‌బోతున్నార‌ని టాక్ అయితే బ‌లంగా వినిపిస్తోంది. యువ సుధ ఆర్ట్స్‌, ఎన్టీఆర్ ఆర్ట్స్ ప‌తాకాల‌పై సినిమా రూపొందుతోంది. వీలైనంత త్వ‌ర‌గా.. సినిమాను పూర్తి చేసి వ‌చ్చే ఏడాది సంక్రాంతికి విడుద‌ల చేయాల‌ని మేక‌ర్స్ ఆలోచ‌న‌లు చేస్తున్నారు. ఇప్ప‌టికే ప్ర‌శాంత్ నీల్ ద‌ర్శ‌క‌త్వంలో త‌న 31వ సినిమాను చేయ‌డానికి ఎన్టీఆర్ ఓకే చెప్పేశారు. ప్ర‌శాంత్ నీల్ కాబ‌ట్టి మూవీ పాన్ ఇండియా రేంజ్‌లోనే ఉంటుంద‌న‌డంలో సందేహం లేదు. మ‌రో వైపు సాన బుచ్చి బాబు కూడా ఎన్టీఆర్ కోసం వెయిటింగ్‌లో ఉన్నాడ‌ని వినికిడి.