Nidhhi Agerwal: నిధికి ఆ సినిమాలు చూసే అల‌వాటుందట‌

త‌న గ్లామ‌ర్ తో టాలీవుడ్ లో త‌న‌కంటూ ప్ర‌త్యేక గుర్తింపు సంపాదించుకుంది నిధి అగ‌ర్వాల్(Nidhhi Agerwal). అమ్మ‌డు ఇప్ప‌టికే ప‌లు సినిమాల్లో న‌టించ‌గా, అందులో ఎక్కువ సినిమాలు ఫ్లాపులుగానే నిలిచాయి. ఇస్మార్ట్ శంక‌ర్(ismart Shankar) త‌ప్ప నిధి అగ‌ర్వాల్ నుంచి మ‌రో హిట్ సినిమా వ‌చ్చింది లేదు. నిధి ఖాతాలో హిట్లు లేక‌పోయినా అమ్మ‌డికి స్టార్ హీరోల స‌ర‌స‌న అవ‌కాశాలు మాత్రం బాగానే వ‌స్తున్నాయి.

ప్ర‌స్తుతం నిధి అగ‌ర్వాల్ చేతిలో రెండు భారీ సినిమాలున్నాయి. ప‌వ‌న్ క‌ళ్యాణ్(pawan kalyan) తో క‌లిసి హ‌రి హ‌ర వీర‌మ‌ల్లు(Hari Hara veeramallu) చేస్తున్న నిధి, ప్ర‌భాస్(Prabhas) తో క‌లిసి మారుతి(Maruthi) ద‌ర్శ‌క‌త్వంలో ది రాజా సాబ్(The Raja Saab) లో న‌టిస్తున్న సంగ‌తి తెలిసిందే. ఈ రెండు సినిమాలు త్వ‌ర‌లోనే ప్రేక్ష‌కుల ముందుకు రానుండ‌గా, ఈ రెండు సినిమాల‌పై ఆడియ‌న్స్ కు భారీ అంచ‌నాలు ఉన్నాయి.

ఇదిలా ఉంటే నిధి అగ‌ర్వాల్ సోష‌ల్ మీడియాలో యాక్టివ్ గా ఉంటుంద‌నే సంగ‌తి తెలిసిందే. ఎప్ప‌టిక‌ప్పుడు త‌న రెగ్యుల‌ర్ అప్డేట్స్ ను షేర్ చేసే నిధి తాజాగా ఎక్స్ లో ఓ పోస్ట్ చేసింది. త‌న‌కు ప్ర‌తీ రోజూ రాత్రి మర్డ‌ర్ మిస్ట‌రీ సినిమాలు చూసే అల‌వాటు ఉంద‌ని, ఈ జాన‌ర్ లో కొత్త కంటెంట్ దొర‌క‌ట్లేద‌ని, ఏ భాషైనా ప‌ర్లేదు కొన్ని సినిమాల‌ను చెప్ప‌మ‌ని నిధి పోస్ట్ చేయ‌గా, ఆ పోస్ట్ నెట్టింట వైర‌లైంది. నెటిజ‌న్లు ఆమె పోస్ట్ కు క్రేజీ కామెంట్స్ చేస్తున్నారు.