క్వారంటైన్ లో ఉండి అమ్మకు పుట్టిన రోజు శుభాకాంక్షలు తెలిపిన శంకరబాబు (మెగాస్టార్ చిరంజీవి)

శంకరబాబు ఎవరని చెప్పాల్సిన అవసరం లేదు   మెగాస్టార్ చిరంజీవి అమ్మ‌గారు అంజ‌నా దేవి కి ప్రధమ పుత్రుడు. ఈ రోజు 29 జనవరి అంజ‌నా దేవి పుట్టిన‌రోజు క్వరెంటైన్ లో వున్నా కారణంగా ఆయ‌న త‌న ట్విట్ట‌ర్ ద్వారా అమ్మ‌కు పుట్టిన‌రోజు అభినంద‌న‌లు తెలిపారు. శ‌నివారం టాలీవుడ్ సీనియర్ అగ్ర క‌థానాయ‌కుడు మెగాస్టార్ చిరంజీవి అమ్మ‌గారు అంజ‌నా దేవి పుట్టిన‌రోజు. ఈ సంద‌ర్భంగా ఆయ‌న త‌న ట్విట్ట‌ర్ ద్వారా అమ్మ‌కు పుట్టిన‌రోజు అభినంద‌న‌లు తెలిపారు. ‘‘అమ్మా ! జ‌న్మ‌దిన శుభాకాంక్ష‌లు. క్వరెంటైన్ అయిన కారణంగా నీ ఆశీస్సులు ప్రత్యక్షంగా తీసుకోలేక ఇలా తెలుపుతున్నా.. నీ చల్లని దీవెనలు ఈ జన్మకే కాదు మరు జన్మలకి కూడా కావాలని ఆ భగవంతుడ్ని కోరుకొంటూ..అభినందనలతో …. శంకరబాబు’’ అని అన్నారు.

ఈ ట్వీట్‌తో పాటు అంజనాదేవితో పాటు తాను, త‌న శ్రీమ‌తి సురేఖ ఉన్న ఫొటోను షేర్ చేశారు చిరంజీవి. ఇటీవ‌ల చిరంజీవికి క‌రోనా పాజివ్ సోకింది. దీంతో ఆయ‌న ఇంట్లోనే హోం క్వారంటైన్‌లో ఉన్నాన‌ని తెలియ‌జేసిన సంగ‌తి తెలిసిందే. ప్ర‌స్తుతం ఈయ‌న హీరోగా న‌టించిన ఆచార్య సినిమా ఏప్రిల్ 1న విడుద‌ల‌కు సిద్ధ‌మ‌వుతుంది. ఇది కాకుండా గాడ్‌ఫాద‌ర్‌, భోళా శంక‌ర్‌, బాబీ డైరెక్ష‌న్‌లో సినిమాలు సెట్స్‌పై ఉన్నాయి. త‌ర్వాత వెంకీ కుడుముల ద‌ర్శ‌క‌త్వంలో ఓ సినిమా చేయ‌డానికి కూడా చిరంజీవి సిద్ధ‌మ‌య్యారు. వెంకీ కుడుముల సినిమా మిన‌హాయిస్తే.. సెట్స్ పై ఉన్న మిగిలిన సినిమాల‌న్నీ కాస్త హోల్డ్‌లో ప‌డ్డాయి.