నాగబాబుకు కరోనా పాజిటివ్?

మెగా బ్రదర్ నాగబాబు కరోనా బారినపడినట్లు తెలుస్తోంది. ప్రస్తుతం ఆయన హోమ్ ఐసోలేషన్‌లో ఉన్నట్లు సమాచారం. దీనిపై అధికారిక సమాచారం రావాల్సి ఉంది. దేశంలో కరోనా వైరస్ విజృంభణ కొనసాగుతోంది. సామాన్య ప్రజల నుంచి వీఐపీలు, ఎంపీలు, ఏంఎల్ఏలు  సెలబ్రెటీలు ఇలా ఎవరినీ మహమ్మారి వదిలిపెట్టడం లేదు. ఈ కోవలోనే తెలుగు సినీ పరిశ్రమలోనూ చాలామంది కరోనా బారిన పడి కోలుకున్నారు. తాజాగా మెగాస్టార్ సోదరుడు, నటుడు, నిర్మాత నాగబాబు కరోనా బారిన పడినట్లు తెలుస్తోంది. రెండ్రోజులుగా దగ్గు, జర్వం లక్షణాలతో బాధపడుతున్న ఆయన టెస్ట్ చేయించుకోగా పాజిటివ్ వచ్చినట్లు సమాచారం. కేంద్ర ప్రభుత్వం లాక్‌డౌన్ సడలింపులు ఇవ్వడంతో ఇటీవల సినిమా, టీవీ షూటింగులు మొదలయ్యాయి. దీంతో నటీనటులు, సాంకేతిక నిపుణులు బిజీగా మారిపోయారు. కోవిడ్-19 నిబంధనలన్నీ పాటిస్తూనే షూటింగుల్లో పాల్గొంటున్నప్పటికీ కొందరు కరోనా బారిన పడుతుండటంతో కలవరపరుస్తోంది. తాజగా నాగబాబుకు కరోనా పాజిటివ్ వచ్చినట్లు వార్తలు రావడంతో అందరూ షాకయ్యారు.నాగబాబు జీ తెలుగు ఛానల్‌లో ఓ షోకు జడ్జిగా వ్యవహరిస్తున్నారు. ఆ సమయంలోనే ఆయనకు వైరస్ సోకినట్లు తెలుస్తోంది. దీంతో ఆ షోలో పాల్గొన్నవారితో పాటు ఆయన కుటుంబసభ్యులు ఉలిక్కిపడ్డారట. ప్రస్తుతం నాగబాబు హోమ్ ఐసోలేషన్‌లో ఉన్నట్లు తెలుస్తోంది. దీనిపై నాగబాబు నుంచి అధికారిక ప్రకటన రావాల్సి ఉంది.