కంగనా రనౌత్ కు కరోనా పాజిటివ్

బాలీవుడ్‍ నటి కంగనా రనౌత్‍కు కరోనా పాజిటివ్‍గా నిర్ధారణ అయ్యింది. ఈ విషయాన్ని స్వయంగా కంగనా తన ఇన్‍స్టాగ్రామ్‍ ఖాతా ద్వారా వెల్లడించారు. గత కొన్ని రోజులుగా స్వల్పంగా అస్వస్థత, కళ్లలో మంటగా అనిపిస్తుండటంతో ఆమె కరోనా నిర్ధారణ పరీక్షలు చేయించుకున్నారు. దీంతో కంగనా రనౌత్‍కు కరోనా పాజిటివ్‍గా తేలింది. కరోనా సోకడంతో నేను సెల్ప్ క్వారెంటైన్‍లో ఉన్నా. కరోనా వైరస్‍ నా శరీరంలో పార్టీ చేసుకుంటున్నదే విషయం నాకు ఇప్పటిదాకా తెలియదు. ఇప్పుడు తెలిసిందిగా ఇక దాన్ని అంతం చేస్తా. మీరు కూడా దేనికి మీపై అజమాయిషీ చేసే అవకాశం ఇవ్వొదు. మీరు కరోనాకు భయపడ్డారంటే అది మిమ్మల్ని మరింత భయపెడుతుంది. కరోనా వైరస్‍ కూడా ఒక చిన్న ఫ్లూ లాంటిదే. కొంచెం ఇబ్బంది పెట్టినా అదే తగ్గిపోతుంది. హర్‍ హర్‍ మహదేవ్‍ అని కంగనా తన పోస్ట్ పేర్కొన్నారు.