34 సంవత్సరాల క్రితం టైటిల్ ‘విక్రమ్’ మరోసారి అదే టైటిల్ లో కమల్ హాసన్

యూనివర్సల్ హీరో  కమల్ హాసన్ హీరోగా  లోకేశ్‌ కనగరాజ్‌ దర్శకత్వంలో కొత్త సినిమాకు ‘విక్రమ్’ అనే టైటిల్ ఫిక్స్ చేసి టీజర్ రిలీజ్ చేశారు. తన సొంత బ్యానర్ లో  ఇదే టైటిల్ తో 1986 లో  రాజశేఖర్ దర్శకత్వం లో దింపులే కపాడియా హీరోయిన్ గా  ఓ చిత్రం వచ్చింది మల్లి ఈ రోజు కమల్ హాసన్ పుట్టిన రోజు కానుకగా విడుదలైన ఈ టీజర్ ఆయన అభిమానులను ఆకట్టుకుంటోంది. ఈ రోజు (నవంబర్ 7)న విలక్షణ నటుడు, లోకనాయకుడు కమల్ హాసన్ పుట్టిన రోజు. ఈ సందర్భంగా బర్త్ డే కానుకగా ఆయన లేటెస్ట్ మూవీ టైటిల్ అనౌన్స్ చేస్తూ టీజర్ రిలీజ్ చేశారు. లోకేశ్‌ కనగరాజ్‌ దర్శకత్వంలో కమల్ హాసన్ హీరోగా ఈ సినిమా రూపొందుతోంది. కమల్ హాసన్ నటిస్తున్న 232వ సినిమా ఇది. 

తాజాగా ఈ మూవీ టైటిల్ ‘విక్రమ్’ అని రివీల్ చేస్తూ టీజర్ పోస్ట్ చేశారు డైరెక్టర్ లోకేశ్‌ కనగరాజ్.”డియర్ గారు.. ఇది మీ పుట్టిన రోజు నాడు మేమిస్తున్న వినయపూర్వక కానుక. హ్యాప్పీ బర్త్ డే కమల్ సర్. మీరు ఎల్లవేళలా మాకు స్ఫూర్తినిస్తూనే ఉండాలి” అని పేర్కొంటూ ‘విక్రమ్’ మూవీ టీజర్ షేర్ చేశారు లోకేశ్‌ కనగరాజ్. 2 నిమిషాల 22 సెకనుల నిడివితో కూడిన ఈ టీజర్ ఆద్యంతం ఆసక్తికరంగా ఉంది. గతంలో ఎన్నడూ పోషించని విలక్షణ పాత్రలో కమల్ కనిపించనున్నారని తెలుస్తోంది. తన ఇంట్లో ఆయుధాలను దాస్తూ కమల్ కనిపిస్తుండటం సినిమాపై ఆసక్తి రేకెత్తిస్తోంది.గతంలో ”ఒకానొక సమయంలో అక్కడ ఓ దెయ్యం నివసించింది” అని పేర్కొంటూ కేవలం తుపాకులతో హీరో కమల్ హాసన్ రూపం కనిపించేలా పోస్టర్ వదిలిన చిత్రయూనిట్.. మరోసారి ఈ టీజర్ చివర అదే విషయం చెప్పి ఉత్కంఠకు తెరలేపారు. యాక్షన్ థ్రిల్లర్‌గా తెరకెక్కుతున్న ఈ సినిమాను 2021 వేసవిలో విడుదల చేయాలని ప్లాన్ చేస్తున్నారట మేకర్స్. కమల్ హాసన్‌‌కి చెందిన రాజ్‌కమల్‌ ఫిల్మ్స్‌ ఇంటర్నేషనల్‌ ఈ చిత్రాన్ని నిర్మిస్తుండటం విశేషం. యువ సంగీత దర్శకుడు అనిరుధ్ సంగీతం అందిస్తున్నారు. ఈ సినిమాతో పాటు శంకర్ దర్శకత్వం లో  భారతీయుడు 2 మూవీ కూడా చేస్తున్నారు కమల్ హాసన్.