Thimmarajupalli TV: కిరణ్ అబ్బవరం”తిమ్మరాజుపల్లి టీవీ” మూవీ ఫస్ట్ సింగిల్

ఏ బ్యాక్ గ్రౌండ్ లేకుండా సినిమా ఇండస్ట్రీలో పేరు తెచ్చుకోవాలని ఆశపడే ఔత్సాహిక నటీనటుల, సాంకేతిక నిపుణులకు అండగా నిలబడుతూ హీరో కిరణ్ అబ్బవరం సుమైర స్టూడియోస్ తో కలిసి తన కేఏ ప్రొడక్షన్స్ పై నిర్మిస్తున్న సినిమా “తిమ్మరాజుపల్లి టీవీ” (Thimmarajupalli TV). సుమైరా స్టూడియోస్ సహ నిర్మాతగా వ్యవహరిస్తున్నారు. ఈ చిత్రంతో సాయి తేజ్, వేద జలంధర్ హీరో హీరోయిన్స్ గా పరిచయమవుతున్నారు. “తిమ్మరాజుపల్లి టీవీ” చిత్రంతో వి.మునిరాజు దర్శకుడిగా పరిచయమవుతున్నారు. విలేజ్ బ్యాక్ డ్రాప్ లో సాగే పీరియాడిక్ డ్రామాగా రూపొందుతున్న ఈ సినిమా త్వరలోనే గ్రాండ్ థియేట్రికల్ రిలీజ్ కు రెడీ అవుతోంది.

ఈ రోజు “తిమ్మరాజుపల్లి టీవీ” సినిమా నుంచి ఫస్ట్ సింగిల్ ‘చిన్ని చిన్ని గుండెలోన’ రిలీజ్ చేశారు. ఆహ్లాదకరమైన పల్లె వాతావరణంలో చిత్రీకరించిన లవ్ సాంగ్ ఇది. ఈ పాటను క్యాచీ ట్యూన్ తో వంశీకాంత్ రేఖన కంపోజ్ చేశారు. సనరే లిరిక్స్ రాయగా, మంచి లవ్ ఫీల్ తో హరిణి ఇవటూరి, పవన్ కల్యాణ్ పాడారు. ‘చిన్ని చిన్ని గుండెలోన..’ పాట ఎలా ఉందో చూస్తే – ‘చిన్ని చిన్ని గుండెలోన చాలా ప్రేమే దాచిన, దబాయించి దొంగోడా దోచుకుపోలేవా, చిందే చిందే ఈడులోన ఏకాంతాలే యాతన, మీసాలున్న మొనగాడా జంటకు రాలేవా, నువ్వే తాకి నా కురులే సిగ్గే పడే, అట్టా నన్ను చూశావంటే ఒంటిమీది చెమట చుక్క అత్తరల్లె గాలికి ఎగిరే..’ అంటూ ఆకట్టుకునేలా సాగుతుందీ పాట.