Uttara: ‘ఉత్తర’ ఫస్ట్ లుక్ పోస్టర్ విడుదల

శ్రీ శివాజీ ప్రొడక్షన్స్ బ్యానర్ మీద నటుడు శివాజీ (Sivaji) నిర్మాతగా తెరకెక్కిస్తున్న చిత్రంలో నటి లయ (Laya) ముఖ్య పాత్రను పోషిస్తున్న సంగతి తెలిసిందే. శివాజీ ప్రొడక్షన్ హౌస్‌లో రానున్న ఈ చిత్రానికి సుధీర్ శ్రీరామ్ దర్శకత్వం వహిస్తున్నారు. ఈటీవీ విన్ ఆధ్వర్యంలో నిర్మిస్తున్నారు..

దసరా సందర్భంగా అక్టోబర్ 2న ఈ చిత్రానికి సంబంధించిన అప్డేట్ ఇచ్చారు. ఇంకా టైటిల్ ఖరారు చేయని ఈ మూవీ నుంచి దసరా స్పెషల్‌గా నటి లయ పోషించిన పాత్రకు సంబంధించిన పరిచయాన్ని చేశారు. లయ ఈ చిత్రంలో ఉత్తర (Uttara) అనే గృహిణి పాత్రను పోషిస్తున్నారు. ఈ క్యారెక్టర్‌లో ఎన్నో వేరియేషన్స్ ఉన్నాయని పోస్టర్‌ను చూస్తేనే తెలుస్తోంది. పైకి ఒకలా.. లోపల ఇంకోలా ఎమోషన్స్‌ను దాచుకునే ఈ పాత్రలో లయ చాలా కొత్తగా, డిఫరెంట్ గా కనిపించబోతోన్నారని తెలుస్తోంది.

బయటకి సాధారణ మహిళగా కనిపిస్తూనే, లోపల క్రిమినల్ నేచర్ ను దాచిపెట్టుకుంటూ, డ్యూయల్ బిహేవియర్ తో (రెండు రకాల మనస్తత్వాలతో) సాగే ఈ పాత్రలో లయ తన నట విశ్వరూపాన్ని చూపించబోతున్నారని చిత్ర బృందం తెలిపింది. తన కుటుంబం జోలికి వస్తే, ఎంత దూరమైనా వెళ్ళడానికి సిద్ధపడే వ్యక్తిగా, మల్టిపుల్ షేడ్స్ ఉన్న ఇలాంటి పాత్రలో లయ కనిపించబోతున్నారు

ఈ పోస్టర్లో లయను, ఆమె చేతిలో ఉన్న ఆయుధాలను చూస్తే, ఆమె పాత్రలో ఎన్ని షేడ్స్ ఉంటాయో అర్ధం అవుతుంది. ఇక ఈ మూవీకి మిథిల్ కుమార్, సుధీర్ శ్రీరామ్ కథను అందించారు. ఈ సినిమాకు రిత్విక్ రెడ్డి కెమెరామెన్‌గా, రంజిన్ రాజ్ సంగీత దర్శకుడిగా పని చేస్తున్నారు.