సినిమాకు ప్రాణమైన వరాహ రూపం క్లైమాక్స్ సాంగ్‌ని ఓటీటీలో మార్చేసిన హోంబలే ఫిల్మ్స్

కోసం గత కొన్నిరోజులుగా ఎదురుచూసిన ప్రేక్షకులు.. తీరా సినిమా చూసిన తర్వాత నెగటివ్‌గా స్పందిస్తున్నారు. దానికి కారణం సినిమాని మరో లెవల్‌కి తీసుకెళ్లిన వరాహ రూపం పాటని ఓటీటీ‌లో రిలీజైన మూవీ నుంచి తొలగించడమే. ఆ సాంగ్ లేకపోతే సినిమానే లేదు అనేటట్లు నెటిజన్లు మండిపడుతున్నారు. వెంటనే సాంగ్‌ని యాడ్ చేయాలని డిమాండ్ చేస్తున్నారు. అయితే.. ఆ సాంగ్ కాపీ అని ఇటీవల ‘తైక్కుడం బ్రిడ్జ్’ అనే మ్యూజిక్ బ్యాండ్ కోర్టుకెక్కింది. దాంతో? భారీ అంచనాల నడుమ ఈరోజు ఓటీటీలో రిలీజైన కాంతార మూవీ తొలిరోజే అభిమానుల్ని నిరాశపరిచింది. రిషబ్ శెట్టి నటించి, దర్శకత్వం వహించిన ఈ సినిమా సెప్టెంబరు 30న రిలీజై రికార్డుల మోత మోగించేస్తూ ప్రపంచవ్యాప్తంగా ఏకంగా రూ.400 కోట్ల వసూళ్లని రాబట్టింది. విడుదలైన అన్ని భాషల్లోనూ హిట్ టాక్‌ని సొంతం చేసుకుని గత వారం వరకూ థియేటర్లలో సందడి చేసింది. వాస్తవానికి కాంతార సినిమా ఇంతలా హిట్ అవడానికి కారణం తొలి రోజు నుంచి లభించిన పాజిటివ్ మౌత్ టాక్. కానీ ఓటీటీలో మాత్రం మొదటి రోజే నెగటివ్ టాక్ వచ్చేసింది. సినిమా క్లైమాక్స్‌లో రిషబ్ శెట్టి నటనకి పెద్ద ఎత్తున ప్రశంసలు లభించగా.. వరాహరూపం సాంగ్ ఆ మూవీకి ప్రాణం. కానీ.. ఓటీటీలో ఈరోజు రిలీజ్ చేసిన మూవీలో ఆ సాంగ్‌ని తొలగించారు. దానికి బదులుగా ఓ కొత్త ట్యూన్‌ని యాడ్ చేశారు. కానీ.. అది బాగాలేదని నెటిజన్లు నిరాశ వ్యక్తం చేస్తున్నారు.

సినిమా బ్యాక్‌ గ్రౌండ్ మ్యూజిక్‌లోనూ అప్పుడప్పుడు వచ్చే ఆ వరాహరూపం మ్యూజిక్‌ని కూడా తొలగించడంతో మూవీ చూస్తున్నంతసేపు ఏదో మిస్ అయ్యిందనే ఫీలింగ్ కలుగుతోందని ఓ నెటిజన్ అభిప్రాయపడ్డాడు. కొత్తగా యాడ్ చేసిన సాంగ్ ఏమాత్రం అక్కడ సూట్ అవలేదని.. దాంతో మూవీని కూడా ఎంజాయ్ చేయలేకపోయినట్లు మరో నెటిజన్ చెప్పుకొచ్చాడు. ఓవరాల్‌గా వరాహ రూపం సాంగ్‌ని మళ్లీ యాడ్ చేయాలని నెటిజన్లు డిమాండ్ చేస్తున్నారు. ఆ పాట లేకపోతే సినిమానే లేదనేటట్లు ట్వీట్స్ చేస్తున్నారు. కాంతార మూవీ రిలీజై హిట్ టాక్‌ని సొంతం చేసుకున్న రోజుల వ్యవధిలోనే ‘వరాహ రూపం’ సాంగ్‌పై మలయాళం మ్యూజిక్ బ్యాండ్ ‘తైక్కుడం బ్రిడ్జ్’ నోటీసులు జారీ చేసింది. ఆ సాంగ్‌‌ని తమ ‘నవరస’‌ పాట నుంచి కాపీకొట్టారంటూ ఆ నోటీసుల్లో పేర్కొంది. దాంతో ప్రస్తుతం వరాహ రూపం సాంగ్ వివాదం కోర్టులో నడుస్తోంది. ఈ నేపథ్యంలో ఇప్పటికే కాంతార మూవీ నిర్మాణ సంస్థ హోంబలే ఫిల్మ్స్ ఆ సాంగ్‌ని యూట్యూబ్‌ నుంచి డిలీట్ చేసింది. అలానే ఈరోజు ఓటీటీలో రిలీజైన మూవీ నుంచి కూడా తొలగించింది. కాంతార మూవీని ఇప్పటికే థియేటర్లలో చూసిన ప్రేక్షకులు కూడా మరోసారి ఓటీటీలో చూడాలని భావించారు. ఈ క్రమంలో దాదాపు 50 రోజుల పాటు ఓటీటీ రిలీజ్ కోసం ఎదురుచూశారు. అమెజాన్ ప్రైమ్ కూడా భారీ ధరకి కొనుగోలు చేసి ఈరోజు రిలీజ్ చేసింది. కానీ మూవీని చూసిన అభిమానులు పెదవి విరుస్తున్నారు.