కర్ణాటక రాష్ట్ర వ్యాప్తంగా కన్నడ వర్షెన్‌లోనే చూపడానికి ప్రయత్నిస్తున్నాం : నిర్మాత డి వి వి దానయ్య

తమిళులకు, కన్నడిగులకు ఉండే భాషాభిమానం గురించి అందరికీ తెలిసిందే. వ్యాపార సైన్ బోర్డ్స్ పై తప్పనిసరిగా తమ భాషలో ఉండాలని ఉద్యమం చేపట్టిన ప్రజలు వారు. ఆ అభిమానమే ఇప్పుడు ఆర్ఆర్ఆర్ సినిమాకు చిక్కు తెచ్చి పెట్టేలా ఉంది. కన్నడ రాష్ట్రంలో ఎక్కువగా తెలుగు వర్షెన్ వేయడంతో అక్కడి వారు వ్యతిరేకిస్తున్నారు. . ఇప్పుడు కన్నడిగులు ఆర్ఆర్ఆర్  సినిమాను బ్యాన్ చేయాలని కోరుతున్నారు. కన్నడ రాష్ట్రంలో కన్నడ భాష సినిమాలు మాత్రమే విడుదల చేయాలని డిమాండ్ చేస్తున్నారు. తెలుగులోనే విడుదల చేస్తామంటే కుదరదు.. బ్యాన్ చేయండి అంటూ నెటిజన్లు ట్విట్టర్‌లో రెచ్చిపోతోన్నారు. అయితే ఈ వివాదం మీద కన్నడ డిస్ట్రిబ్యూటర్, ప్రొడక్షన్ కంపెనీ కేవీన్ సంస్థ స్పందించింది. ఆర్ఆర్ఆర్ సినిమా మార్చి 25న రాబోతోందని అందరికీ తెలిసిందే.

హీరోలిద్దరూ రామ్ చరణ్, ఎన్టీఆర్ ఇద్దరూ కూడా కష్టపడి కన్నడ నేర్చుకున్నారు. కన్నడలో డబ్బింగ్ చెప్పారు. మీ ఆవేదన మాకు అర్థమైంది. కన్నడలోనే సినిమాను ఎంజాయ్ చేయండి. థియేటర్ల యాజమాన్యాలతో మేం మాట్లాడుతున్నాం. కన్నడ వర్షన్‌లోనే సినిమాను చూపించేందుకు ప్రయత్నాలు చేస్తున్నాం. మా చేతుల్లో ఉన్నంత వరకు, మేం చేయగలిగినదంతా చేస్తున్నాం. స్క్రీన్‌లు పెంచేందుకు ప్రయత్నిస్తున్నాం. రాష్ట్ర వ్యాప్తంగా కన్నడ వర్షెన్‌లోనే చూసి ఎంజాయ్ చేయండి.. మీ సపోర్ట్ మాకు కావాలి.. మీరు అర్థం చేసుకున్నందుకు, మీ ప్రేమను చూపిస్తున్నందుకు థ్యాంక్స్ అంటూ కేవీఎన్ సంస్థ పోస్ట్ చేసింది. మొత్తానికి రామ్ చరణ్, ఎన్టీఆర్, రాజమౌళి మాత్రం ఆర్ఆర్ఆర్ ప్రమోషన్లలో ఫుల్ బిజీగా ఉన్నారు. రోజుకో ఊరికి వెళ్తూ దేశాన్ని చుట్టేస్తున్నారు. ఇక విడుదల తేదీ వరకు ఈ త్రయం ఫుల్ బిజీగా ఉండేట్టు కనిపిస్తోంది. మార్చి 25న దేశ వ్యాప్తంగా రికార్డులు క్రియేట్ చేసేందుకు రెడీగా ఉంది.

https://twitter.com/KvnProductions/status/1506549623032545282?cxt=HHwWhIDU1c25q-gpAAAA