మా అధ్యక్ష బరిలో.. మరో సీనియర్ నటుడు

మూవీ ఆర్టిస్టుల సంఘం (మా) అధ్యక్ష బరిలో చతుర్ముఖ పోటీ ఇప్పటికే ఖరారైంది. ప్రకాష్‍ రాజ్‍, మంచు విష్ణు మధ్యనే ప్రధాన పోటీ నెలకొనగా.. జీవిత రాజశేఖర్‍, హేమ లాంటి మహిళామణులు ఈసారి పోటీకి దిగుతుండడం ఉత్కంఠను రేకెత్తిస్తోంది. అయితే ఆ నలుగురే కాదు.. ఐదో అభ్యర్థి ఈసారి బరిలోకి దిగుతున్నానని ప్రకటించడం ఆసక్తిని పెంచుతోంది. సీనియర్‍ అర్టిస్ట్ సీవీఎల్‍ నరసింహారావు ఈ ఏడాది మా అధ్యక్ష పదవి తాను కూడా పోటీ పడుతున్నానని ప్రకటించారు. మా సభ్యుల సంక్షేమం కోసం పాటుపడతానని ఆయన అన్నారు.