రామ్ పోతినేనికి మెడకు గాయం ఆగిన లింగుసామి షూటింగ్

ఎన‌ర్జిటిక్ డాన్సులు, ఫైట్స్‌, ఫెర్ఫామెన్స్‌తో ప్రేక్ష‌కుల‌ను ఆక‌ట్టుకునే టాలీవుడ్‌ యంగ్ హీరోల్లో రామ్ పోతినేని ఒక‌రు. ఈ యువ క‌థానాయ‌కుడుకి మెడ‌కు గాయ‌మైంది.   రామ్ హీరోగా న‌టిస్తోన్న 19వ చిత్రం. తెలుగు, త‌మిళంలో ఏక‌కాలంతో రూపొందుతోంది. దీంతో ఆయ‌న షూటింగ్ చేస్తున్న సినిమా ఆగింది. వివ‌రాల్లోకెళ్తే.. రామ్ హీరోగా ద‌ర్శ‌కుడు లింగుసామి ద‌ర్శ‌క‌త్వంలో ఓ సినిమా రూపొందుతోన్న సంగ‌తి తెలిసిందే. ఈ సినిమా కోసం రామ్ త‌న లుక్‌ను పూర్తిగా మార్చుకుంటున్నాడు. బాడీని పెంచుకుంటున్నాడు. ఈ క్ర‌మంలో ఎక్స‌ర్ సైజులు చేస్తున్న ఆయ‌న‌కు మెడ‌కు గాయ‌మైంది. దీంతో షూటింగ్ ఆగింది. మెడ‌కు బ్యాండేజ్ ఉన్న ఫొటో ఇప్పుడు సోష‌ల్ మీడియాలో తెగ వైర‌ల్ అవుతుంది. ‘సీటీమార్’ చిత్రాన్ని నిర్మించిన శ్రీనివాస్ చిట్టూరి నిర్మిస్తున్నారు. పందెంకోడి చిత్రంతో తెలుగులోనూ మంచి క్రేజ్ తెచ్చుకున్న తమిళ దర్శకుడు ఎన్.లింగుసామి ఈ సినిమాను తెరకెక్కిస్తున్నారు. ద్విభాషా చిత్రంగా తెలుగు, తమిళ భాషల్లో సినిమా నిర్మితమవుతుంది. ఉప్పెన ఫేమ్ కృతిశెట్టి హీరోయిన్‌గా నటిస్తుంది. రీసెంట్‌గానే ఈ మూవీ సెకండ్ షెడ్యూల్ షూటింగ్‌ను స్టార్ట్ చేశారు. ఇస్మార్ట్ శంకర్‌తో మాస్ ఇమేజ్ తెచ్చుకున్న హీరో రామ్‌ను తమిళ ప్రేక్షకులకు కూడా దగ్గర చేయాలనే ఉద్దేశంతోనే లింగుసామి ఓ మాస్ చిత్రాన్ని తెరకెక్కిస్తున్నారు. ఇప్పటికే యాబై శాతం పైగా షూటింగ్‌ పూర్తయ్యింది.

రామ్ ఈ సినిమా కోసం సిక్స్ ప్యాక్ చేస్తున్నాడు. ఇస్టార్ట్ శంకర్ కంటే ఈ సినిమాలో ఇంకా బీస్ట్ లుక్‌లో కనపడాలని రామ్ గట్టిగానే ప్రయత్నిస్తున్నాడు. జిమ్‌లో గట్టిగానే కసరత్తులు కూడా చేశాడు. ఇందులో రామ్ తొలిసారి పోలీస్ ఆఫీసర్‌గా కనిపించబోతున్నాడని కూడా వార్తలు వినిపిస్తున్నాయి.