Layoffs: టెక్ రంగంలో ఏఐ ప్రకంపనలు: ‘ప్రాజెక్ట్ లీప్’తో కాగ్నిజెంట్ లేఆఫ్స్!

గ్లోబల్ టెక్నాలజీ రంగంలో ఉద్యోగుల కోతల (Layoffs) పరంపర ఏమాత్రం ఆగడం లేదు. కృత్రిమ మేధ (AI) రాకతో ఐటీ కంపెనీల పనితీరు, నిర్వహణ శైలిలో సమూల మార్పులు వస్తున్నాయి. ఈ క్యాలెండర్ ఇయర్‌లో ఇప్పటికే పలు దిగ్గజ సంస్థలు వేలాది మందిని ఇంటికి పంపగా, తాజాగా ఆ జాబితాలో టెక్ దిగ్గజాలు మైక్రోసాఫ్ట్ (Microsoft), కాగ్నిజెంట్ (Cognizant) కూడా చేరబోతున్నట్లు తెలుస్తోంది. వ్యయ నియంత్రణ, ఏఐపై భారీ పెట్టుబడులు, సంస్థాగత పునర్నిర్మాణమే (Restructuring) లక్ష్యంగా ఈ దిగ్గజాలు తమ వర్క్‌ఫోర్స్‌ను గణనీయంగా కుదించేందుకు సిద్ధమవుతున్నాయి.

మైక్రోసాఫ్ట్ సరికొత్త వ్యూహం
మైక్రోసాఫ్ట్ తమ భవిష్యత్ వ్యూహాలను పూర్తిగా ఆర్టిఫిషియల్ ఇంటెలిజెన్స్ చుట్టే అల్లుకుంటోంది. సంస్థ త్రైమాసిక ఫలితాల వెల్లడి సందర్భంగా చీఫ్ ఫైనాన్షియల్ ఆఫీసర్ (CFO) ఎమీ హుడ్ (Amy Hood) చేసిన వ్యాఖ్యలు టెక్ వర్గాల్లో తీవ్ర చర్చనీయాంశంగా మారాయి. రాబోయే సంవత్సరాల్లో సంస్థ పూర్తిగా ‘చిన్న బృందాలతో’ (Smaller teams) పనిచేయడాన్ని (Layoffs) ప్రధాన లక్ష్యంగా పెట్టుకుందని ఆమె కుండబద్దలు కొట్టారు. ఈ ఆపరేటింగ్ మోడల్ మార్పు వెనుక ఉన్న ప్రధాన ఉద్దేశాలు:

జవాబుదారీతనం: ప్రతి ఉద్యోగికి స్పష్టమైన బాధ్యతలు అప్పగించడం, వారి పని ఫలితాలపై జవాబుదారీతనాన్ని కచ్చితంగా అమలు చేయడం.

వేగవంతమైన నిర్ణయాలు: టీమ్ సైజు చిన్నదిగా ఉంటే, నిర్ణయాలు తీసుకునే వేగం (Decision-making) పెరుగుతుంది.
ఈ ఆపరేషనల్ మార్పుల వల్ల సహజంగానే రాబోయే రోజుల్లో సంస్థలో ‘ఉద్యోగుల సంఖ్య’ (Headcount) తగ్గుముఖం (Layoffs) పడుతుందని ఆమె పరోక్షంగా లేఆఫ్స్ సంకేతాలు ఇచ్చారు. ఏఐ టూల్స్ (AI Copilots) వినియోగం పెరగడం వల్లే ఈ అదనపు వర్క్‌ఫోర్స్ అవసరం తగ్గుతోందని మార్కెట్ విశ్లేషకులు భావిస్తున్నారు.

కాగ్నిజెంట్‌లో 3,500 మందిపై వేటు!
మరోవైపు, ప్రముఖ గ్లోబల్ ఐటీ సేవల సంస్థ కాగ్నిజెంట్ కూడా అచ్చం మైక్రోసాఫ్ట్ బాటలోనే పయనిస్తోంది. సంస్థను మరింత లాభదాయకంగా మార్చేందుకు, నిర్వహణ వ్యయాన్ని తగ్గించుకునేందుకు ‘ప్రాజెక్ట్ లీప్’ (Project Leap) పేరిట ఒక భారీ పునర్వ్యవస్థీకరణ కార్యక్రమానికి శ్రీకారం చుట్టింది. ఈ ప్రోగ్రామ్ ముఖ్య ఉద్దేశం సంస్థలో ఏఐ (AI) సామర్థ్యాలను అత్యున్నత స్థాయికి పెంపొందించడం, తక్కువ నిర్వహణ ఖర్చుతో (Cost-efficient) మరింత వేగవంతమైన, సమర్థవంతమైన ఆపరేటింగ్ మోడల్‌ను నిర్మించడమేనని సంస్థ సీఎఫ్‌ఓ జతిన్ దలాల్ (Jatin Dalal) స్పష్టం చేశారు.

అయితే, ఈ పునర్నిర్మాణ ప్రక్రియలో భాగంగా సంస్థలో భారీగా ఉద్యోగాల కోత (Layoffs) తప్పదని తెలుస్తోంది. ప్రపంచవ్యాప్తంగా వివిధ ప్రాంతాల్లో పనిచేస్తున్న కనీసం 3,500 మంది ఉద్యోగుల భవితవ్యంపై ఈ నిర్ణయం తీవ్ర ప్రభావం చూపనుందని జతిన్ దలాల్ స్వయంగా వెల్లడించారు. మొత్తంగా చూస్తే, గ్లోబల్ టెక్ రంగంలో ఇప్పుడు ‘మ్యాన్‌పవర్’ కంటే ‘కంప్యూటింగ్ పవర్’, ‘ఏఐ స్కిల్స్’ కే ఎక్కువ ప్రాధాన్యత దక్కుతోంది. భవిష్యత్తులో టెక్ ఉద్యోగులు తమ నైపుణ్యాలను (Upskilling) ఏఐకి అనుగుణంగా మార్చుకోకపోతే, సాఫ్ట్‌వేర్ పరిశ్రమలో మనుగడ సాగించడం అత్యంత కష్టంగా మారుతుందనడానికి ఈ పరిణామాలే సాక్ష్యం.