మార్చి 31 వరకు ఏపీ లాక్‍ డౌన్‍ : సీఎం జగన్

కరోనా వైరస్‍ కట్టడి కోసం ఆంధప్రదేశ్‍ ప్రభుత్వం కీలక నిర్ణయం తీసుకుంది. మార్చి 31 వరకు రాష్ట్రాన్ని లాక్‍ డౌన్‍ చేస్తున్నట్లు ముఖ్యమంత్రి  వైఎస్‍ జగన్‍మోహన్‍రెడ్డి ప్రకటించారు. అత్యవసర సేవలు మినహా అన్ని రకాల సేవలు నిలిపివేస్తున్నట్లు ప్రకటించారు. ఆదివారం సాయంత్రం ఆయన మీడియాతో మాట్లాడుతూ… మార్చి 31 వరకు ప్రజలందరూ తమ ఇళ్లకే పరిమితం కావాలని సూచించారు. పదిమంది కంటే ఎక్కువ మంది గుమిగూడొద్దని హెచ్చరించారు. రాష్ట్ర సరిహద్దులన్నింటినీ మూసేస్తున్నట్లు ప్రకటించారు.  వ్యవసాయ కూలీలు మాత్రం పొలం పనులకు వెళ్లినప్పుడు రెండు మీటర్ల దూరం ఉండేట్లు చూసుకోవాలన్నారు. మార్చి 31 తర్వాత పరిస్థితులను సమీక్షించి తదుపరి నిర్ణయం తీసుకుంటామని సీఎం జగన్‍ పేర్కొన్నారు.