Balakrishna: బాలకృష్ణ ప్రజాప్రతినిధిగా ఫెయిలయ్యారా? ..ఆరె శ్యామల విమర్శలు

టాలీవుడ్ స్టార్ హీరో, తెలుగుదేశం పార్టీ సీనియర్ నాయకుడు, అనంతపురం (Anantapur) జిల్లాలోని హిందూపురం (Hindupur) నియోజకవర్గానికి మూడుసార్లు ఎమ్మెల్యేగా ఎన్నికైన నందమూరి బాలకృష్ణ (Nandamuri Balakrishna) ఇటీవల రాజకీయంగా విమర్శలకు గురయ్యారు. తాజాగా, సినిమా రంగానికి చెందిన ప్రముఖ యాంకర్, వైఎస్సార్ కాంగ్రెస్ పార్టీ అధికార ప్రతినిధి అయిన ఆరె శ్యామల (Are Syamala) ఆయనపై తీవ్ర వ్యాఖ్యలు చేశారు.

శుక్రవారం హిందూపురంలో ఆమె పర్యటించారు. ఈ సందర్భంగా మీడియాతో మాట్లాడిన ఆమె, నియోజకవర్గ అభివృద్ధిపై సందేహాలు వ్యక్తం చేశారు. హిందూపురంలో ప్రభుత్వ డిగ్రీ కళాశాల ఏర్పాటుకు గతంలో ఇచ్చిన హామీపై స్పందిస్తూ, అది ఇప్పటికీ నెరవేరలేదని ఆగ్రహం వ్యక్తం చేశారు. తెలుగుదేశం పార్టీ (TDP) అయినా, బాలకృష్ణ అయినా ఆ హామీని ఎంతవరకు నెరవేర్చారని ఆమె ప్రశ్నించారు.

తన వ్యాఖ్యలతో ఏకంగా బాలకృష్ణ ఎమ్మెల్యేగా ఉండటం వల్ల ఏమి ప్రయోజనం లేదని అభిప్రాయపడుతూ, ఆయన ఉన్నా లేనట్లు అన్నట్టుగా వ్యాఖ్యానించారు. ప్రజలు తనపై మూడుసార్లు నమ్మకంతో ఓటు వేసిన తర్వాత కూడా, హిందూపురం అభివృద్ధిపై పట్టించుకోవడం లేదని ఆమె ఆరోపించారు. ప్రజల మనోభావాలను అర్థం చేసుకోకుండా, ఎప్పుడో ఒకసారి వచ్చి పోవడం తప్ప మరొకటి చేయడం లేదని మండిపడ్డారు.

కళాశాల విషయానికి వస్తే, కేవలం శిలాఫలకం ఏర్పాటుచేసి, దాని ముందు ఫోటోలు తీసుకుంటూ ప్రచారం చేసుకున్నారని వ్యాఖ్యానించారు. ప్రజల అభివృద్ధికి సహకరించాల్సిన నాయకులు, ఇలా కేవలం ప్రచారాలకే పరిమితమవడం దురదృష్టకరమని అన్నారు. అభివృద్ధి అంశాల్లో సీరియస్ గా తీసుకోకుండా, ప్రజలకు అందుబాటులో లేని నాయకుడు ఎంత ప్రయోజనం కలిగిస్తాడు అని ప్రశ్నించారు. మూడుసార్లు గెలిచిన ఎమ్మెల్యేగా పేరు ఉన్నా… ప్రజల సమస్యల పరిష్కారానికి ఏమీ చేయకపోవడం బాధాకరమని పేర్కొన్నారు. హిందూపురం ప్రజలు బాలకృష్ణపై నమ్మకంతో ఓట్లు వేశారు కానీ ఆ నమ్మకాన్ని ఆయన నిలబెట్టుకోలేక పోయారు అని ఆమె అభిప్రాయపడారు. నెరవేరని హామీలు, కొరతల పై ఇప్పటికైనా స్పష్టత ఇవ్వాలని ఆమె పిలుపునిచ్చారు.