US: 2026 యూఎస్ వీసాల్లోనూ మనమే టాప్..!

అమెరికా హెచ్-1బీ వీసా ధర పెంపు, ట్రంప్ హెచ్చరికలు, అమెరికాలో ఎన్నారైల ఇబ్బందులు.. ఇన్నింటి మధ్య మరోసారి యూఎస్ వీసాల్లో భారతీయులు అగ్రస్థానంలో కొనసాగుతున్నారు. అయితే గతేడాదితో పోలిస్తే కొంత మేర తగ్గుదల కనిపించినా.. మొత్తంగా చూస్తే మాత్రం , భారతీయుల డాలర్ డ్రీమ్స్ కంటిన్యూ అవుతున్నాయని చెప్పొచ్చు. US ఇమ్మిగ్రేషన్ లో భాగంగా FY2026 కోసం H-1B వీసా గణాంకాలను విడుదల చేసింది,

డేటా ప్రకారం, కొత్త H-1B ఆమోదాలు ఈ సంవత్సరానికి 37% తగ్గాయి. గతేడాదితో పోలిస్తే దాదాపు 190,000 నుండి 120,000కి తగ్గాయి.కొత్త ప్రత్యేక దరఖాస్తుదారుల సంఖ్య కూడా 30% తగ్గింది. దరఖాస్తులు 4,86,000 నుండి దాదాపు 339,000కి పడిపోయాయి.

FY2026లో మొత్తం H-1B లబ్ధిదారులలో 71% మంది భారతీయులే ఉన్నారు. ఇది 2020లో గరిష్ట స్థాయి 74.9% కంటే కొంచెం తక్కువగా ఉన్నప్పటికీ, 2004లో నమోదైన 43% వాటా కంటే ఇది ఇప్పటికీ చాలా ఎక్కువగా ఉంది.

USCIS డేటాను సోషల్ మీడియా థ్రెడ్‌లో విశ్లేషించిన ఇండియన్-అమెరికన్ వెంచర్ క్యాపిటలిస్ట్ డీడీ దాస్, క్షీణత వాస్తవమే అన్నారు.“మొత్తంమీద, H-1B వీసాలపై US కోత ఉన్నప్పటికీ.. భారతీయుల దరఖాస్తులు మాత్రం కొనసాగాయని చెప్పవచ్చన్నారు.భారతీయ నిపుణుల ఆధిపత్యం కంప్యూటర్ సంబంధిత ఉద్యోగాల పెరుగుదలతో దగ్గరి సంబంధం కలిగి ఉందని దాస్ అన్నారు.

వీసా పొడిగింపులతో సహా మొత్తం ఆమోద రేట్లు 71.9%కి తగ్గాయి, ఇది 21 సంవత్సరాలలో అత్యల్ప స్థాయి. మొత్తం ఆమోదాలు దాదాపు 3,28,000 వద్ద ఉన్నాయి, ఇది దశాబ్దంలో అత్యల్పం, అయినప్పటికీ మొత్తం దరఖాస్తులు 4,56,000 మార్కును ను తాకాయి – ఇది రికార్డులో రెండవ అత్యధిక సంఖ్య.ఈ డేటా వేతనాలలో స్థిరమైన పెరుగుదలను కూడా చూపిస్తుంది. H-1B కార్మికులకు సగటు పరిహారం 2004లో $53,000 నుండి FY2026లో దాదాపు $120,000కి పెరిగింది, ఇది సగటు వార్షిక వృద్ధిని 4% ప్రతిబింబిస్తుంది.