హెచ్ 1 బీ వీసాదారులకు తీపికబురు

ఉద్యోగం కోల్పోయిన హెచ్‌-1బీ వీసాదారులకు ఊరట కలిగిందే నిర్ణయాన్ని అమెరికా తీసుకుంది. ఆ ప్రకారం అటు వంటి ఉద్యోగులు మరికొంత కాలం అమెరికాలో ఉండేందుకు అవకాశాన్ని పొందనున్నారు. ఇందుకోసం అమెరికా పౌరసత్వం, ఇమ్మిగ్రేషన్‌ సర్వీసెస్‌ (యూఎస్‌సీఐఎస్‌) నూతన నిబంధనలను విడుదల చేసింది. ప్రస్తుతం ఉద్యోగం కోల్పోయిన హెచ్‌-1బీ వీసాదారులకు అమెరికాలో ఉండేందుకు రెండు నెలల గ్రేస్‌ పిరియడ్‌ ఉంది. కొత్త నిబంధనావళి ప్రకారం లేఆఫ్‌కు గురైన వ్యక్తులు గ్రేస్‌ పిరియడ్‌ సమయంలో నాన్‌ ఇమిగ్రంట్‌ స్టేటస్‌ మార్పు కోసం దరాఖాస్తు చేసుకోవాలి. అలాగే స్టేటస్‌ సర్దుబాటు, ఏడాది పాటు ఎంప్లాయిమెంట్‌ ఆథరైజేషన్‌ డాక్యుమెంట్‌ (ఈఏడీ) పొందేలా దరఖాస్తు చేసుకోవచ్చు. వీటితో మరికొన్ని మార్పులు చేస్తూ యూఎస్‌సీఐఎస్‌ నిబంధనలు విడుదల చేసింది. తమ తాజా చర్యతో హెచ్‌ 1బీ వీసాదారులు నూతన ఉద్యోగ అవకాశాలను ఇబ్బంది లేకుండా పొందొచ్చని యూఎస్‌సీఐఎస్‌ పేర్కొంది.